SBI Clerk Notification 2024 : డిగ్రీ అర్హతతో 13,735 Junior Associate ఉద్యోగాలు.. భారీ జాబ్‌ నోటిఫికేషన్‌ విడుదల
SBI Junior Associates Notification 2024 : స్టేట్‌ బ్యాంక్‌ ఆఫ్‌ ఇండియా భారీ స్థాయిలో క్లర్క్‌ (జూనియర్‌ అసోసియేట్‌) పోస్టుల భర్తీకి నోటిఫికేషన్‌ విడుదల చేసింది. వివరాలను పరిశీలిస్తే..
SBI Clerk Recruitment Notification 2024 : మనదేశంలోనే అతి పెద్ద ప్రభుత్వ రంగ బ్యాంక్‌ అయిన స్టేట్‌ బ్యాంక్‌ ఆఫ్‌ ఇండియా(State Bank of India) భారీ జాబ్‌ రిక్రూట్‌మెంట్‌ నోటిఫికేషన్‌ విడుదల చేసింది. తాజాగా ఎస్‌బీఐ నుంచి క్లర్క్‌ (Junior Associate) జాబ్‌ నోటిఫికేషన్‌ విడుదలైంది. ఈ నోటిఫికేషన్‌ ద్వారా 13,735 క్లర్క్‌ ఖాళీలను భర్తీ చేయనుంది. అర్హత, ఆసక్తిగల అభ్యర్థులు ఆన్‌లైన్‌లో అప్లయ్‌ చేసుకోవచ్చు. డిసెంబర్‌ 17 నుంచి దరఖాస్తు ప్రక్రియ ప్రారంభమవుతుంది. జనవరి 7వ తేదీ వరకు దరఖాస్తు చేసుకోవచ్చు. అభ్యర్థులు ఏదైనా విభాగంలో గ్రాడ్యుయేషన్‌/ తత్సమాన ఉత్తీర్ణత ఉండాలి. విద్యార్హతల విషయానికొస్తే.. ఈ జూనియర్‌ అసోసియేట్‌ పోస్టులకు డిగ్రీ ఫైనల్‌/ చివరి సెమిస్టర్‌ విద్యార్థులు కూడా దరఖాస్తు చేసుకోవచ్చు. వయసు 20 ఏళ్ల నుంచి 28 ఏళ్ల మధ్య ఉండాలి. ఎస్సీ/ ఎస్టీలకు ఐదేళ్లు, ఓబీసీలకు మూడేళ్లు, పీడీబ్ల్యూడీ(జనరల్‌/ ఈడబ్ల్యూఎస్‌) అభ్యర్థులకు పదేళ్లు గరిష్ఠ వయోపరిమితిలో సడలింపు ఉంటుంది. ఇక.. ఆన్‌లైన్‌ టెస్ట్‌ (ప్రిలిమినరీ ఎగ్జామ్‌, మెయిన్‌ ఎగ్జామ్‌), లోకల్‌ లాంగ్వేజ్‌ పరీక్ష ద్వారా అభ్యర్థులను ఎంపిక చేస్తారు. అభ్యర్థులు పూర్తి వివరాలకు ఎస్‌బీఐ అధికారిక వెబ్‌సైట్‌ https://sbi.co.in/ చూడొచ్చు.
