Kashish Chaudhary: ఇప్పుడు పాకిస్తాన్ అంతటా ఒకటే పేరు మార్మోగుతోంది. కాశిష్ చౌదరి, కాశిష్ చౌదరి, కాశిష్ చౌదరి. ఎవరీ కాశిష్ చౌదరి? ఎందనకు ఆమె వార్తల్లో నిలిచారని తెలుసుకోవాలి. కాశిష్ చౌదరి ఈ స్థాయికి ఎలా చేరుకుంది? అన్నదానిపై ఇప్పుడు పెద్ద ఎత్తున చర్చ జరుగుతోంది. 25 ఏళ్ల కాశిష్ చౌదరి, బలూచిస్తాన్‌లోని పాకిస్తానీ హిందూ మైనారిటీ నుండి ఆ ప్రావిన్స్‌లో అసిస్టెంట్ కమిషనర్‌గా నియమితులైన మొదటి మహిళగా చరిత్ర సృష్టించింది.
ఆమె చాగై జిల్లాలోని మారుమూల పట్టణం నోష్కి వాసి. తన కుమార్తె, కృషి, నిబద్ధత కారణంగా అసిస్టెంట్ కమిషనర్‌గా అవకాశం లభించిందని తండ్రి లాల్ విలేకరులతో అన్నాడు. చిరు వ్యాపారిగా పనిచేసే లాల్, తన కుమార్తె ఎల్లప్పుడూ చదువుకోవాలని, మహిళల జీవితాల్లో మార్పు తీసుకురావాలని కోరుకుంటుందని అన్నారు. మైనారిటీ వర్గాల ప్రజలు అంకితభావం, కృషి ద్వారా అలాంటి స్థానాలకు చేరుకోవడం దేశానికి గర్వకారణమైన క్షణం అని ముఖ్యమంత్రి బుగ్తి అన్నారు.
కాశీష్ దేశానికి, బలూచిస్తాన్ కు గర్వకారణమని అన్నారు. సమా టీవీతో జరిగిన చర్చలో కాశీష్ తన ప్రిపరేషన్ కు మూడు సంవత్సరాలు పట్టిందని, ప్రతిరోజూ కనీసం ఎనిమిది గంటలు చదువానని చెప్పింది. క్రమశిక్షణ, కృషి, సమాజానికి తోడ్పడాలనే కోరిక ఈ ప్రయాణంలో నన్ను నడిపించాయని ఆమె అన్నారు. మహిళల పురోగతికి కృషి చేయడం, మైనారిటీ వర్గాలకు మద్దతు ఇవ్వడం, ప్రావిన్స్ సమగ్ర అభివృద్ధికి తోడ్పడటం లక్ష్యమని ఆమె చెప్పారు.
బలూచిస్తాన్‌లోని మైనారిటీ కమ్యూనిటీ నుండి అసిస్టెంట్ కమిషనర్‌గా నియమితులైన మొదటి మహిళగా 25 ఏళ్ల పాకిస్తానీ హిందూ మహిళ చరిత్ర సృష్టించింది. బలూచిస్తాన్ పబ్లిక్ సర్వీస్ కమిషన్ BPSC పరీక్షలో ఉత్తీర్ణత సాధించిన తర్వాత కాశిష్ చౌదరి ఈ పదవిని పొందారు. సోమవారం, కాశిష్, ఆమె తండ్రి గిర్ధారి లాల్ బలూచిస్తాన్ ముఖ్యమంత్రి సర్ఫరాజ్ బుగ్తిని క్వెట్టాలో కలిశారు.
పాకిస్తాన్ లోని పురుషాధిక్య వృత్తులలో తమదైన ముద్ర వేసిన, సామాజిక, మత, సాంస్కృతిక అడ్డంకులను ఛేదించి ముఖ్యమైన స్థానాలను చేరుకోవడానికి అనేక మంది హిందూ మహిళలలో కాశీష్ తన స్థానాన్ని ఏర్పరచుకుంది. ఇటీవలి సంవత్సరాలలో, హిందూ సమాజం నుండి ఎక్కువ మంది మహిళలు కీలక స్థానాల్లో నియామకమవుతున్నారు. జూలై 2022లో, మనీషా రోపేటా కరాచీలో సూపరింటెండెంట్ ఆఫ్ పోలీస్ గా నియమితులైన మొదటి హిందూ మహిళగా సేవలందిస్తున్నారు.
కరాచీలో 35 ఏళ్ల సబ్-ఇన్స్పెక్టర్ పుష్ప కుమారి కోహ్లీ, హిందూ మహిళలకు విజయం సాధించే సామర్థ్యం, దృఢ సంకల్పం ఉందని అన్నారు. సింధ్ పోలీస్ పబ్లిక్ సర్వీసెస్ పరీక్షలో కూడా పాసయ్యాడు. చాలా మంది హిందూ అమ్మాయిలు తమను తాము చదువుకుని ఏదైనా కావాలని ఎదురు చూస్తున్నారని కోహ్లీ తెలిపింది. సుమన్ పవన్ బోదాని 2019లో తన స్వస్థలమైన సింధ్‌లోని షాహదద్‌కోట్‌లో మొదటిసారి నియమితులైన తర్వాత పాకిస్తాన్‌లోని హైదరాబాద్‌లో సివిల్ జడ్జిగా కొనసాగుతున్నారు.
సింధ్ రాజకీయ నాయకుడు రమేష్ కుమార్ వాంక్వానీ మాట్లాడుతూ, కుటుంబ మద్దతుతో, చాలా మంది యువ హిందూ అమ్మాయిలు చదువుకుని ఉన్నత చదువుకోడానికి కంకణబద్ధులై ఉన్నారన్నాడు. హిందూ మహిళలు పెద్ద సంఖ్యలో కీలక విభాగాల్లో రాణిస్తున్నారన్నాడు. సింధ్‌లో వైద్యులుగానూ, ప్రభుత్వ విభాగాల్లోనూ, పోలీసు అధికారులుగానూ హిందూ మహిళలు కీలక పాత్ర పోషిస్తున్నారన్నారు.
సింధ్ యువ హిందూ బాలికల అపహరణ, బలవంతపు మతమార్పిడి వంటి సమస్యలు చర్చకు వచ్చినప్పటికీ హిందూ సమాజానికి విద్యా సౌకర్యాలను మెరుగుపరచడం ఈ సమస్యలను పరిష్కరించడంలో చొరవ చూపిస్తున్నారు. పాకిస్తాన్‌లో హిందువులు అతిపెద్ద మైనారిటీ సమూహంగా ఉన్నారు.
అధికారిక డేటా ప్రకారం, దేశంలో దాదాపు 75 లక్షల మంది హిందువులు నివసిస్తున్నారు. అయితే, ఈ సంఖ్య 90 లక్షలకు పైగా ఉంటుందని సమాజం అంచనా వేసింది. పాకిస్తాన్‌లోని హిందూ జనాభాలో ఎక్కువ మంది సింధ్ ప్రావిన్స్‌లోనే నివాసం ఉంటున్నారు.
