The Paradise: నాని ది పారడైస్, రామ్ చరణ్ పెద్ది చిత్రాలు మార్చి చివరిలో రిలీజ్ అని ప్రకటించారు. కానీ ది పారడైస్ నిర్మాత అధికారికంగా వాయిదా పడిందని తెలిపారు. ఇప్పుడు అందరి దృష్టి పెద్ది వైపు మళ్లింది. నాని హీరోగా శ్రీనివాస్ సిల్వర్ స్క్రీన్ నిర్మిస్తున్న ది పారడైస్, రామ్ చరణ్ పెద్ది చిత్రాలు మార్చి చివరిలో రిలీజ్ అని ప్రకటన వచ్చింది.
ఈ రెండు చిత్రాల బాక్సాఫీస్ ఢీ కోసం ఫ్యాన్స్ ఆసక్తిగా ఎదురుచూస్తున్నారు. కానీ షూటింగ్ ఆలస్యంతో రూమర్లు వ్యాపించాయి. ఇప్పుడు ది పారడైస్ నిర్మాత అధికారికంగా 50 శాతం షూటింగ్ మిగిలి ఉందని, మార్చి రిలీజ్ కష్టమని తెలిపారు.
మే లేదా జూన్లో రిలీజ్ చేయడానికి ప్రయత్నిస్తామని చెప్పారు. దీంతో మార్చి రిలీజ్ అసాధ్యమని స్పష్టమైంది. ఇక అందరి దృష్టి పెద్ది వైపు మళ్లింది. పాన్ ఇండియా చిత్రమైన పెద్ది ఫిబ్రవరి వరకు షూటింగ్ పూర్తి చేస్తేనే మార్చి 26 రిలీజ్ సాధ్యం అవుతుంది. ఈ డేట్ బ్లాక్ బస్టర్ రిలీజ్లకు అనువైనది. ఇక పెద్ది టీమ్ ఈ డేట్ను ఖాళీ చేస్తుందా లేక వాడుకుంటుందా అనేది ఆసక్తికరంగా మారింది.
