Allu Arjun: అల్లు అర్జున్, అట్లీ కాంబినేషన్‌లో రాబోతున్న భారీ బడ్జెట్ సినిమా గురించి ఇప్పుడు ఓ సంచలన వార్త హల్‌చల్ చేస్తోంది. ఈ పాన్ ఇండియా మూవీలో బన్నీకి జోడీగా ఎవరు నటిస్తారనే చర్చ షురూ కాగా సమంత పేరు బలంగా వినిపిస్తోంది. ఇంతకీ ఈ వార్తల్లో నిజం ఎంత? వివరాల్లోకి వెళదాం..
‘పుష్ప’ సినిమాతో పాన్ ఇండియా స్టార్‌గా మారిన అల్లు అర్జున్, ఇప్పుడు డైరెక్టర్ అట్లీతో ఓ భారీ ప్రాజెక్ట్‌కి సిద్ధమవుతున్నారు. ‘జవాన్’తో రూ.1000 కోట్ల క్లబ్‌లో చేరిన అట్లీ, ఈ సినిమాతో మరో సంచలనం సృష్టించాలని చూస్తున్నారు. ఈ క్రమంలో హీరోయిన్‌గా సమంతని ఎంచుకున్నట్లు సమాచారం.
హాట్ బ్యూటీగా పేరు తెచ్చుకున్న సమంత, పాన్ ఇండియా సినిమాలకు పర్ఫెక్ట్ ఛాయిస్ అని టాక్. ఈ కాంబినేషన్ సినిమా బిజినెస్‌కి బాగా ఉపయోగపడుతుందని నిర్మాతలు భావిస్తున్నారట. అల్లు అర్జున్ ఇమేజ్, అట్లీ బ్రాండ్, సమంత గ్లామర్ కలిస్తే బాక్సాఫీస్ వద్ద ఊచకోత ఖాయమని అభిమానులు ఆశిస్తున్నారు. అయితే, ఈ విషయంపై అధికారిక ప్రకటన రావాల్సి ఉంది.
