Meenakshi Chaudhary: టాలీవుడ్ బ్యూటీ మీనాక్షి చౌదరి పెళ్లి గురించి వస్తున్న ఊహాగానాలు ఆమెను వెంటాడుతున్నాయి. సుశాంత్ తో లవ్ ట్రాక్లో ఉందంటూ వార్తలు వైరల్ అవుతున్నాయి. దీనిపై మీనాక్షి స్పందించింది. ఈ విషయం గురించి పూర్తి వివరాలు చూద్దాం.
సంక్రాంతి బ్లాక్బస్టర్ ‘సంక్రాంతికి వస్తున్నాం’తో టాలీవుడ్లో టాప్ హీరోయిన్గా ఎదిగిన మీనాక్షి చౌదరి పేరు మళ్లీ వార్తల్లో నిలిచింది. ఆమె పెళ్లి గురించి రూమర్లు జోరుగా వ్యాపిస్తున్నాయి. మొదట సుశాంత్తో ప్రేమలో ఉందంటూ వచ్చిన వార్తలను ఆమె ఖండించింది. అలాగే మరో స్టార్ హీరోతో లవ్ ట్రాక్లో ఉందంటూ కొత్త పుకార్లు షికారు చేస్తున్నాయి.
దీనిపై మీనాక్షి స్పష్టమైన స్పందన ఇచ్చింది. తాను ఎవరితోనూ ప్రేమలో లేనని, ప్రస్తుతం తన కెరీర్ మీదనే పూర్తి దృష్టి పెట్టినట్టు ఆమె చెప్పినట్లు సమాచారం. వరుసగా సినిమాలు చేస్తూ బిజీగా ఉన్న మీనాక్షి ఈ రూమర్లతో ఇబ్బంది పడుతోంది. ఇటీవల కొందరు హీరోయిన్లు ఆకస్మికంగా పెళ్లి చేసుకుని అందరినీ ఆశ్చర్యపరుస్తున్న నేపథ్యంలో మీనాక్షి కూడా అలాంటి షాక్ ఇస్తుందేమోనన్న ఊహాగానాలు కొనసాగుతున్నాయి.
