Sanjay Dutt: ధృవ సర్జా హీరోగా నటిస్తున్న KD సినిమా ప్రమోషన్స్ జోరుగా సాగుతున్నాయి. ఈ సందర్భంగా సంజయ్ దత్ మీడియాతో మాట్లాడుతూ, లోకేష్ కనగరాజ్‌పై ఆసక్తికర వ్యాఖ్యలు చేశారు. ‘లియో’ సినిమాలో తన పాత్రపై అసంతృప్తి వ్యక్తం చేశారు. పూర్తి వివరాలు ఇప్పుడు చూద్దాం.
ధృవ సర్జా హీరోగా, సంజయ్ దత్ కీలక పాత్రలో నటిస్తున్న KD సినిమా త్వరలో విడుదల కానుంది. సినిమా టీమ్ ప్రమోషన్స్‌లో బిజీగా ఉంది. తెలుగు మీడియాతో మాట్లాడిన సంజయ్ దత్, లోకేష్ కనగరాజ్‌పై అసంతృప్తి వ్యక్తం చేశారు. ‘లియో’ సినిమాలో దళపతి విజయ్‌తో కలిసి పనిచేయడం ఆనందంగా ఉన్నప్పటికీ, తనకు ఇచ్చిన చిన్న పాత్రపై నిరాశ చెందినట్లు తెలిపారు.
“లోకేష్ నన్ను వృథా చేశాడు,” అని బహిరంగంగా వ్యాఖ్యానించారు. ‘లియో’లో సంజయ్ దత్ విజయ్ బాబాయి పాత్రలో కనిపించారు. ఆ పాత్ర చాలా పరిమితమని, ఆయన స్థాయికి తగ్గట్టు ఉండలేదని అప్పట్లోనే చర్చలు జరిగాయి. ఇప్పుడు సంజయ్ దత్ స్వయంగా తన అసంతృప్తిని బయటపెట్టడం ఇండస్ట్రీలో చర్చనీయాంశంగా మారింది.
