Hyderabad: గ్రేటర్ హైదరాబాద్ మున్సిపల్ కార్పొరేషన్ మేయర్ గద్వాల విజయలక్ష్మికి ఫోన్‌లో వేధింపులు కలకలం రేపాయి. అర్ధరాత్రి మేయర్కు ఫోన్లు చేస్తూ బెదిరింపులకు పాల్పడ్డాడు ఓ అగంతకుడు. మేయర్ విజయలక్ష్మీతో పాటు ఆమె తండ్రి కే కేశవరావు అంతు చూస్తానంటూ అర్ధరాత్రి ఫోన్ కాల్స్తో పాటు వాయిస్ మెసేజ్ పంపి బెదిరింపులకు పాల్పడ్డాడు.
తనను బోరబండలో చనిపోయిన సర్దార్కు సంబంధించిన వ్యక్తిగా చెప్పుకుంటూ అసభ్యకరమైన పదజాలంతో కాల్స్, వాయిస్ మెసేజ్‌లు చేశారు. దీంతో గుర్తు తెలియని వ్యక్తిపై మేయర్ను వేధిస్తున్నాడని ఆమె పీఆర్ఓ ఇచ్చిన ఫిర్యాదుతో బంజారాహిల్స్ కేసు నమోదు చేసి, దర్యాప్తు ప్రారంభించారు.
