Gaddar Film Awards: తెలంగాణ ప్రభుత్వం గద్దర్ అవార్డులతో తెలుగు సినిమాను ఘనంగా సత్కరించింది. 2014 నుంచి 2023 మధ్య విడుదలైన ఉత్తమ చిత్రాలకు అవార్డులు ప్రకటించారు. జూన్ 14న హైటెక్స్‌లో జరిగే అవార్డుల ప్రదానోత్సవం సినీ ప్రియులకు సంబరం. పూర్తి వివరాలు ఇలా ఉన్నాయి.
తెలంగాణ ప్రభుత్వం తెలుగు సినిమా పరిశ్రమలో అత్యుత్తమ ప్రతిభను గుర్తించి, గద్దర్ అవార్డులతో సన్మానిస్తోంది. 2014 నుంచి 2023 వరకు సెన్సార్ అయిన చిత్రాలకు జ్యూరీ ఛైర్మన్ మురళీ మోహన్, ఎఫ్‌డీసీ ఛైర్మన్ దిల్ రాజు అవార్డులను ప్రకటించారు. 2014లో ‘రన్ రాజా రన్’ మొదటి స్థానంలో నిలవగా, ‘పాఠశాల’, ‘అల్లుడు శీను’ రెండు, మూడో స్థానాల్లో నిలిచాయి. 2015లో ‘రుద్రమదేవి’, ‘కంచె’, ‘శ్రీమంతుడు’ అవార్డులు గెలుచుకోగా, 2016లో ‘శతమానం భవతి’, ‘పెళ్లిచూపులు’, ‘జనతా గ్యారేజ్’ విజేతలుగా నిలిచాయి.
2017లో ‘బాహుబలి-1’, ‘ఫిదా’, ‘ఘాజీ’, 2018లో ‘మహానటి’, ‘రంగస్థలం’, ‘కేరాఫ్ కంచెరపాలెం’ గెలిచాయి. 2019లో ‘మహర్షి’, ‘జెర్సీ’, ‘మల్లేశం’, 2020లో ‘అల వైకుంఠపురంలో’, ‘కలర్ ఫొటో’, ‘మిడిల్ క్లాస్ మెలొడీస్’, 2021లో ‘త్రిబుల్ ఆర్’, ‘అఖండ’, ‘ఉప్పెన’, 2022లో ‘సీతారామం’, ‘కార్తికేయ-2’, ‘మేజర్’, 2023లో ‘బలగం’, ‘హనుమాన్’, ‘భగవంత్ కేసరి’ అవార్డులు సొంతం చేసుకున్నాయి. ‘ప్రజాకవి కాలేజీ’కి స్పెషల్ జ్యూరీ అవార్డు, బాలకృష్ణకు ఎన్టీఆర్ నేషనల్ అవార్డు, మణిరత్నంకు పైడి జయరాజ్ అవార్డు దక్కాయి. జూన్ 14న హైటెక్స్‌లో ఈ అవార్డులు ఘనంగా ప్రదానం కానున్నాయి.
