ఆంధ్రప్రదేశ్లోని కడప జిల్లాలో జరిగిన పులివెందుల, ఒంటిమిట్ట జడ్పీటీసీ ఉప ఎన్నికలకు నేడు కౌంటింగ్ జరగనుంది. కడప పాలిటెక్నిక్ కాలేజీలో జరుగుతోంది. ఈ ఎన్నికల్ని రాష్ట్ర రాజకీయాల్లో కీలకమైనవిగా పరిగణిస్తున్నారు. ముఖ్యంగా వైసీపీ, టీడీపీ మధ్య గట్టి పోటీ నడుస్తోంది.
కౌంటింగ్ ఉదయం 8 గంటల నుంచి ప్రారంభకానుంది. ఎన్నికల సంఘం అధికారులు కౌంటింగ్ ప్రక్రియను పారదర్శకంగా నిర్వహించేందుకు అన్ని ఏర్పాట్లు చేశారు. కౌంటింగ్ ప్రక్రియలో ఎలాంటి అవాంతరాలు లేకుండా భద్రతా ఏర్పాట్లు కూడా గట్టిగా ఉన్నాయి. ఐతే కౌంటింగ్ ప్రారంభమైన కొన్ని గంటలకే ఫలితాలు తెలిసిపోయే అవకాశం ఉంది.
పులివెందుల జట్పీటీసీ ఉప ఎన్నికలో వైసీపీ నుంచి రామగోవిందరెడ్డి, టీడీపీ నుంచి ఎస్.వి. సతీష్ కుమార్ రెడ్డి పోటీలో ఉన్నారు. ఒంటిమిట్టలో కూడా ఇదే విధమైన గట్టి పోటీ కనిపిస్తోంది. వైసీపీ అధినేత వై.ఎస్. జగన్ మోహన్ రెడ్డి ఈ ప్రాంతంలో గట్టి పట్టు కలిగి ఉన్నారు, కాబట్టి ఈ ఎన్నికల ఫలితాలు ఆ పార్టీకి ప్రతిష్టాత్మకంగా మారాయి. ఐతే.. ఈ ఎన్నికలు సరిగా జరగలేదనీ, రిగ్గింగ్ జరిగిందని ఆరోపిస్తున్న వైసీపీ ఈ ఎన్నికల్నీ, కౌంటింగ్ని కూడా బహిష్కరించింది.
ఎన్నికల సంఘం కౌంటింగ్ ప్రక్రియను సజావుగా నిర్వహించేందుకు కడప పాలిటెక్నిక్ కాలేజీలో అన్ని సౌకర్యాలూ కల్పించింది. భద్రత కోసం పోలీసులు, సీసీటీవీ కెమెరాలు, ఎన్నికల సిబ్బంది సమన్వయంతో పనిచేస్తున్నారు. కౌంటింగ్ సమయంలో ఎలాంటి గందరగోళం లేకుండా చూసేందుకు అధికారులు ప్రత్యేక జాగ్రత్తలు తీసుకున్నారు.
ఏపీలో తీవ్ర ఉత్కంఠ రేపుతున్న కడప జిల్లా పులివెందుల, ఒంటిమిట్ట ఉప ఎన్నికల కౌంటింగ్ కు సర్వం సిద్ధమైంది. మౌలానా ఆజాద్ ఉర్దూ యూనివర్సిటీలో ఓట్లను లెక్కించనున్నారు. ఇందుకోసం ఏర్పాట్లు చేశారు అధికారులు.
ఒంటిమిట్ట కౌంటింగ్ కు రెండు రౌండ్లలో 20 టేబుల్స్ ఏర్పాటు చేయగా, పులివెందుల కౌంటింగ్ కు ఒక్క రౌండ్ లో 10 టేబుల్స్ ఏర్పాటు చేయనున్నారు. ఒక్కో టేబుల్ కు వెయ్యి ఓట్ల చొప్పున లెక్కించనున్నారు. కౌంటింగ్ కు దాదాపు 150 మంది సిబ్బందిని వినియోగించనున్నారు.
