RGV: వివాదాస్పద దర్శకుడు రామ్ గోపాల్ వర్మ మరోసారి వార్తల్లో నిలిచారు. ఒకప్పుడు ‘సత్య’, ‘శూల్’ లాంటి బ్లాక్‌బస్టర్‌లతో బాక్సాఫీస్‌ను కుదిపేసిన RGV ఇప్పుడు కొత్త జోనర్‌తో ప్రేక్షకుల ముందుకు రాబోతున్నారు. ఆ విశేషాలు మీకోసం!
రామ్ గోపాల్ వర్మ ఈ పేరు వినగానే సంచలనాలు, విభిన్న సినిమాలు గుర్తుకొస్తాయి. గత కొంతకాలంగా వివాదాలతోనే ఎక్కువగా వార్తల్లో నిలిచిన వర్మ ఇప్పుడు ‘పోలీస్ స్టేషన్ మే భూత్’ అనే హార్రర్ కామెడీ చిత్రంతో మళ్లీ సందడి చేయడానికి సిద్ధమవుతున్నారు. ఈ సినిమాలో విలక్షణ నటుడు మనోజ్ బాజ్‌పాయ్ కీలక పాత్రలో కనిపించనున్నారు.
‘ప్రజలు భయపడితే పోలీస్ స్టేషన్‌కు వెళ్తారు కానీ పోలీసులకే దెయ్యాల వల్ల భయం వేస్తే?’ అనే ఆసక్తికర కాన్సెప్ట్‌తో ఈ చిత్రం రూపొందుతోంది. అద్భుతమైన VFX, భయపెట్టే హార్రర్ సన్నివేశాలతో ఈ సినిమా ప్రేక్షకులను అలరిస్తుందని RGV చెబుతున్నారు. గతంలో ‘సత్య’, ‘కౌన్’ లాంటి హిట్స్ ఇచ్చిన ఈ జోడీ ఈసారి కూడా మ్యాజిక్ చేస్తుందా? అని అభిమానులు ఆసక్తిగా ఎదురుచూస్తున్నారు.
