Aamir Khan: కోవిడ్ తర్వాత సినీ పరిశ్రమలో భారీ మార్పులు జరిగాయి. థియేటర్లకు ప్రేక్షకులు తగ్గడంతో సినిమా హాళ్లు ఖాళీగా మారాయి. ఈ పరిస్థితికి ఓటీటీ ప్లాట్‌ఫామ్‌లే కారణమని సినీ వర్గాలు ఆరోపిస్తున్నాయి. తాజాగా, బాలీవుడ్ స్టార్ అమీర్ ఖాన్ కూడా ఓటీటీలపై తీవ్రంగా మండిపడ్డారు.
కోవిడ్ అనంతరం సినీ రంగం కష్టాల్లో కూరుకుపోయింది. ఒకప్పుడు కిటకిటలాడిన థియేటర్లు ఇప్పుడు వెలవెలబోతున్నాయి. అనేక హాళ్లు మూతపడ్డాయి. ఓటీటీ ప్లాట్‌ఫామ్‌ల విస్తరణ దీనికి ప్రధాన కారణమని టాలీవుడ్ నిర్మాతలు గతంలోనే అభిప్రాయపడ్డారు.
ఇప్పుడు బాలీవుడ్ స్టార్ అమీర్ ఖాన్ కూడా ఇదే గొడవ పట్టారు. ఓటీటీల వ్యాపార శైలి సరికాదని, సినిమాలు థియేటర్లలో చూస్తేనే ప్రేక్షకులకు పూర్తి ఆనందం లభిస్తుందని ఆయన స్పష్టం చేశారు. “వస్తువు కొనమని చెప్పి, 8 వారాల తర్వాత ఇస్తామనే విధానం సమంజసం కాదు” అని అమీర్ వ్యాఖ్యానించారు.
ఈ వ్యాఖ్యలు సోషల్ మీడియాలో వైరల్‌గా మారాయి. ఓటీటీలు తమ బిజినెస్ తీరును మార్చుకోవాలని, థియేటర్ల సౌందర్యాన్ని ప్రేక్షకులు ఆస్వాదించాలని ఆయన పిలుపునిచ్చారు. అమీర్ వ్యాఖ్యలు సినీ వర్గాల్లో తీవ్ర చర్చనీయాంశంగా మారాయి. ఓటీటీల ప్రభావంపై బాలీవుడ్ స్టార్ ఇలా స్పందించడం ఇప్పుడు హాట్ టాపిక్‌గా నిలిచింది.
