The Raja Saab: పాన్ ఇండియా స్టార్ ప్రభాస్ నటించిన ‘ది రాజాసాబ్’ మిక్స్డ్ టాక్తో థియేటర్లలో నడుస్తోంది. ఈ చిత్రం క్లైమాక్స్లో పార్ట్-2కు సంబంధించిన ఆసక్తికర అంశాలు వెల్లడయ్యాయి. ప్రభాస్ జోకర్ గెటప్లో కనిపించనున్నారు. ఈ సినిమాతో ప్రభాస్ కెరియర్లో మరో కొత్త అధ్యాయం ప్రారంభమవుతుంది. దీని గురించి పూర్తి వివరాలు చూద్దాం.
కల్కి 2898 ఏడీతో రెండోసారి వెయ్యి కోట్ల క్లబ్లో చేరిన ప్రభాస్ తాజాగా ‘ది రాజాసాబ్’తో ప్రేక్షకుల ముందుకు వచ్చారు. మారుతి దర్శకత్వంలో తెరకెక్కిన ఈ చిత్రం ప్రభాస్ కెరియర్లో తొలి హారర్ కామెడీ. మాళవిక మోహనన్, నిధి అగర్వాల్, రిద్ది కుమార్ హీరోయిన్లుగా నటించారు. భారీ అంచనాల మధ్య విడుదలైన ఈ సినిమా ప్రస్తుతం మిక్స్డ్ టాక్తో రన్ అవుతోంది. అయితే క్లైమాక్స్లో సీక్వెల్ ప్రకటన ఆసక్తి రేకెత్తించింది. పార్ట్-2 టైటిల్ ‘రాజాసాబ్ సర్కస్: 1935’గా ఖరారైంది. ఇది సీక్వెల్గా రావోచ్చా లేక ప్రీక్వెల్గా రావోచ్చా అనే స్పష్టత ఇంకా రాలేదు.
ట్రైలర్లో చూపించిన ప్రభాస్ ఓల్డ్ ఏజ్ లుక్, ఇతర సన్నివేశాలు పార్ట్-1లో కనిపించకపోవడం గమనార్హం. ముఖ్యంగా క్లైమాక్స్లో ప్రభాస్ జోకర్ గెటప్ రివీల్ కావడం సంచలనం రేకెత్తించింది. ప్రభాస్ భిన్న పాత్రల్లో నటించడానికి చూపిస్తున్న ఆసక్తి ఈ చిత్రంలో స్పష్టంగా కనిపిస్తోంది. ఇక హను రాఘవపూడి దర్శకత్వంలో ‘ఫౌజీ’, సందీప్ రెడ్డి వంగతో ‘స్పిరిట్’, అలాగే సలార్-2, కల్కి సీక్వెల్స్తో ప్రభాస్ లైనప్ బిజీగా ఉంది.
