Peddi: రామ్ చరణ్ నటిస్తున్న ‘పెద్ది’ చిత్రం నుంచి కొత్త అప్డేట్ వచ్చింది. సీనియర్ నటుడు జగపతి బాబు అప్పలసూరి పాత్రలో కనిపించనున్నారు. ఆయన షాకింగ్ ట్రాన్స్ఫర్మేషన్ అందరినీ ఆకర్షిస్తోంది. ఈ పాత్రకు బలమైన ప్రాధాన్యం ఉంటుందని మేకర్స్ తెలిపారు. దీని గురించి పూర్తి వివరాలు చూద్దాం.
రామ్ చరణ్ ‘పెద్ది’ పాన్ ఇండియా ప్రాజెక్ట్గా రూపొందుతోంది. బుచ్చిబాబు సానా ఈ చిత్రాన్ని తెరకెక్కిస్తున్నారు. గ్రామీణ క్రీడల నేపథ్యంలో సాగే ఈ సినిమాపై భారీ అంచనాలు నెలకొన్నాయి. ఇటీవల మేకర్స్ జగపతి బాబు పాత్రకు సంబంధించిన పోస్టర్ విడుదల చేశారు. అప్పలసూరి క్యారెక్టర్లో జగపతి బాబు పూర్తిగా భిన్నమైన రూపంలో కనిపించారు. వృద్ధాప్య లుక్తో, సాధారణ దుస్తుల్లో గుర్తుపట్టలేనంతగా ట్రాన్స్ఫార్మ్ అయ్యారు.
ఈ పాత్రకు బలమైన ప్రాధాన్యం ఉందని చిత్ర యూనిట్ వెల్లడించింది. రామ్ చరణ్ కూడా ఈ పోస్టర్ను షేర్ చేస్తూ జగపతి బాబును పొగడ్తలతో ముంచెత్తారు. ఈ సినిమాలో జాన్వీ కపూర్ హీరోయిన్గా నటిస్తోంది. శివ రాజ్కుమార్, దివ్యేందు శర్మ, సత్య తదితరులు కీలక పాత్రల్లో కనిపించనున్నారు. వృద్ధి సినిమాస్ నిర్మాణంలో మైత్రీ మూవీ మేకర్స్, సుకుమార్ రైటింగ్స్ ప్రెజెంట్ చేస్తున్నాయి. ఏఆర్ రెహమాన్ సంగీతం అందిస్తున్నారు. ‘పెద్ది’ 2026 మార్చి 27న గ్రాండ్ రిలీజ్ కానుంది.
