Shekar Basha: టాలీవుడ్లో హీరోయిన్ల వస్త్రధారణపై శివాజీ చేసిన వ్యాఖ్యలు వివాదాస్పదమయ్యాయి. చిన్మయి, అనసూయలు తీవ్రంగా స్పందించారు. ఇప్పుడు శేఖర్ బాషా శివాజీకి మద్దతుగా నిలిచి వారిద్దరిపై మండిపడ్డారు. దీని గురించి పూర్తి వివరాలు చూద్దాం.
దండోరా ప్రీ రిలీజ్ ఈవెంట్లో హీరోయిన్ల వస్త్రధారణపై శివాజీ చేసిన వ్యాఖ్యలు తీవ్ర వివాదం రేపాయి. మంచి డ్రెస్ సెన్స్ పాటించాలని, గ్లామర్కు హద్దు ఉండాలని ఆయన అన్నారు. ఈ వ్యాఖ్యలకు సింగర్ చిన్మయి శ్రీపాద, యాంకర్ అనసూయ భరద్వాజ్ తీవ్ర అసంతృప్తి వ్యక్తం చేశారు. శివాజీ క్షమాపణ చెప్పినా వారు మళ్లీ సోషల్ మీడియాలో స్పందించారు. ఇప్పుడు బిగ్ బాస్ ఫేమ్, నటుడు శేఖర్ బాషా శివాజీకి మద్దతుగా నిలిచారు.
చిన్మయి, అనసూయలు శివాజీ వ్యాఖ్యలను వక్రీకరిస్తున్నారని ఆరోపించారు. మహిళా హక్కుల గురించి మాట్లాడే అర్హత వారికి లేదని ప్రశ్నించారు. అనసూయ జబర్దస్త్ షోలో డబుల్ మీనింగ్ డైలాగ్స్, అసభ్యకర పదాలు వాడారని గుర్తు చేశారు. చిన్మయి రోబో సినిమా కిలిమంజారో పాటలోని లిరిక్స్ను ఉదాహరణగా చూపారు. అలాంటి పనులు చేసిన వారికి ఇతరులను విమర్శించే హక్కు లేదని అన్నారు. శివాజీ మంచి ఉద్దేశంతోనే మాట్లాడారని శేఖర్ బాషా స్పష్టం చేశారు.
