Ravi Teja: మాస్ మహారాజా రవితేజ తనదైన ఎనర్జీతో తెలుగు ప్రేక్షకులను ఎప్పటినుంచో అలరిస్తున్నాడు. కానీ ఇటీవల ఆయన సినిమాలపై సోషల్ మీడియాలో అనుకోని నెగిటివ్ వ్యాఖ్యలు వైరల్ అవుతున్నాయి. సినిమా చూడకుండానే డిజాస్టర్ అంటూ ట్రెండ్స్ స్టార్ట్ చేసేస్తున్నారు. ఈ విషయం గురించి పూర్తి వివరాలు చూద్దాం.
తెలుగు సినీ రంగంలో తన స్వంత శైలితో ఎదిగి మాస్ హీరోగా నిలిచిన రవితేజపై ఇటీవల సోషల్ మీడియాలో అసాధారణ నెగిటివిటీ వ్యాపిస్తోంది. గతంలో ప్రేక్షకులు ఆయన విజయాలను తమ విజయంగా భావించగా, ఇప్పుడు రిలీజ్ రోజే సినిమా చూడకుండానే విమర్శలు గుప్పిస్తున్నారు. మాస్ జాతర విడుదలైనప్పుడు థియేటర్లలో ఒక రకమైన టాక్ వచ్చింది, ఓటీటీలో వచ్చాక మరో రకంగా మారింది.
తాజాగా ఆయన తదుపరి చిత్రంలో ఆరుగురు హీరోయిన్లు ఉంటారనే పుకారు కూడా వేగంగా వైరల్ అయింది. ఈ పుకార్లు అబద్దాలని రవి తేజ టీం కొట్టి పడేసింది. ఇదంతా ఉద్దేశపూర్వక నెగిటివ్ ప్రచారంలా కనిపిస్తోంది. ఈ ధోరణి ఎప్పటివరకు కొనసాగుతుందో చూడాలి.
