టాలీవుడ్లో నిర్మాతల కుమారులు హీరోలుగా ఎంట్రీ ఇవ్వడం కొత్త కాదు. తాజాగా ప్రముఖ నిర్మాత డి.ఎస్.రావు కుమారుడు కృష్ణ దమ్మాలపాటి హీరోగా పరిచయమవుతున్నాడు. ‘పదహారు రోజుల పండుగ’ పేరుతో అతని చిత్రం లాంచ్ అయింది. ఈ చిత్రం గురించి పూర్తి వివరాలు చూద్దాం.
టాలీవుడ్లో నిర్మాతల కుమారులు హీరోలుగా మారడం ఆనవాయితీ. ఇప్పుడు మరో నిర్మాత కుమారుడు హీరోగా అడుగుపెడుతున్నాడు. నానితో ‘పిల్ల జమీందార్’ సహా అనేక చిత్రాలు నిర్మించిన డి.ఎస్.రావు కొడుకు కృష్ణ దమ్మాలపాటి హీరోగా ఎంట్రీ ఇస్తున్నాడు. ‘పదహారు రోజుల పండుగ’ పేరుతో అన్నపూర్ణ స్టూడియోస్లో అతని కొత్త చిత్రం లాంచ్ అయింది. చాలా కాలం తర్వాత దర్శకుడు సాయికిరణ్ అడవి ఈ చిత్రంతో రీఎంట్రీ ఇస్తున్నారు.
హీరోయిన్గా ‘మ్యాడ్’ ఫేమ్ గోపిక ఉదయన్ నటిస్తోంది. పెళ్లి తర్వాత 16 రోజుల వేడుకను నేపథ్యంగా ఫ్యామిలీ ఎంటర్టైనర్గా ఈ సినిమా తెరకెక్కుతోంది. ఇక కృష్ణ దమ్మాలపాటి మొదటి చిత్రంతో ఎంతవరకు ఆకట్టుకుంటాడోనని అందరూ ఆసక్తిగా ఎదురుచూస్తున్నారు. ఈ చిత్రంలో రేణు దేశాయ్, అనసూయ కీలక పాత్రలో నటిస్తున్నారు.
