Little Hearts: తనుజ్, శివాని నాగారం నటించిన ‘లిటిల్ హార్ట్స్’ సినిమా బాక్సాఫీస్ను కుదిపేస్తోంది. రొమాంటిక్ డ్రామాగా రూపొందిన ఈ చిన్న బడ్జెట్ చిత్రం భారీ లాభాలతో దూసుకెళ్తోంది. సెప్టెంబర్ 5న విడుదలైన ఈ మూవీ ప్రేక్షకులను ఆకట్టుకుంటోంది. ఓవర్సీస్లోనూ సత్తా చాటుతున్న ఈ సినిమా ఎలాంటి రికార్డులు సృష్టిస్తుంది? పూర్తి వివరాలు చూద్దాం.
సాయి మార్తాండ్ దర్శకత్వంలో ఈటీవీ విన్ ఒరిజినల్ బ్యానర్పై రూపొందిన ‘లిటిల్ హార్ట్స్’ సినిమా బాక్సాఫీస్ వద్ద సంచలనం సృష్టిస్తోంది. రూ.2 కోట్ల బడ్జెట్తో తెరకెక్కిన ఈ చిత్రం రూ.18.50 కోట్లకు పైగా గ్రాస్ వసూలు చేసింది.
రెండు రోజుల్లోనే బ్రేక్ ఈవెన్ పూర్తి చేసి, మూడో రోజు నుంచి లాభాల్లోకి దూసుకెళ్లింది. తెలుగు రాష్ట్రాలతో పాటు ఓవర్సీస్లోనూ ఈ సినిమా హవా కొనసాగిస్తోంది. ఈ చిత్రం $1 మిలియన్ మైలురాయి వైపు దూసుకెళ్తోంది. 2025లో అత్యంత లాభదాయక తెలుగు చిత్రంగా నిలిచింది.
