NTR: భారత సినిమా పితామహుడు దాదాసాహెబ్ ఫాల్కే బయోపిక్‌లో జూనియర్ ఎన్టీఆర్ నటించనున్నారని సమాచారం. రాజమౌళి సమర్పణలో రూపొందనున్న ఈ చిత్రం ఇండియన్ సినిమా పుట్టుకను ఆవిష్కరిస్తుంది. స్క్రిప్ట్ సిద్ధమై, ఎన్టీఆర్ ఎగ్జైట్ అయ్యారట. ఈ ప్రాజెక్ట్ సినీ అభిమానుల్లో హైప్ క్రియేట్ చేస్తోంది.
భారతీయ చలనచిత్ర పరిశ్రమ పునాది వేసిన దాదాసాహెబ్ ఫాల్కే జీవిత కథ ఇప్పుడు వెండితెరపై సిద్ధమవుతోంది. ఈ బయోపిక్‌లో జూనియర్ ఎన్టీఆర్ ప్రధాన పాత్రలో నటించనున్నట్లు వార్తలు వినిపిస్తున్నాయి. ఎస్ఎస్ రాజమౌళి సమర్పణలో, కార్తికేయ, వరుణ్ గుప్తా సహకారంతో ఈ చిత్రం రూపుదిద్దుకుంటోంది.
స్క్రిప్ట్ విన్న ఎన్టీఆర్ ఉత్సాహంతో గ్రీన్ సిగ్నల్ ఇచ్చారని టాక్. ఈ సినిమా భారతీయ సినిమా పుట్టుక, ఒడిదుడుకులను ఆవిష్కరిస్తూ నూతన తరానికి ఫాల్కే గొప్పతనాన్ని పరిచయం చేయనుంది. గతంలో అనౌన్స్ అయిన ‘మేడ్ ఇన్ ఇండియా’ ప్రాజెక్ట్‌కు ఇది కొనసాగింపు కావచ్చని అంటున్నారు. ఎన్టీఆర్ నటనా ప్రతిభతో ఈ చిత్రం బాక్సాఫీస్ వద్ద సరికొత్త ఒరవడిని సృష్టించనుందని సినీ విశ్లేషకులు భావిస్తున్నారు.
