Surya: తమిళ స్టార్ హీరో సూర్య తెలుగు ప్రేక్షకులను మెస్మరైజ్ చేయడానికి సిద్ధమయ్యారు. యూత్‌ఫుల్ డైరెక్టర్ వెంకీ అట్లూరితో జతకట్టిన సూర్య లవ్ స్టోరీతో మన ముందుకు రానున్నారు. ఈ సినిమా గురించిన ఆసక్తికర విశేషాలు ఇప్పుడు చూద్దాం.
సూర్య తాజా చిత్రం తెలుగు ప్రేక్షకులకు ప్రత్యేక ఆకర్షణ కానుంది. డైరెక్టర్ వెంకీ అట్లూరి ఈ సినిమాను ఓ ప్యూర్ లవ్ స్టోరీగా రూపొందిస్తున్నారు. సూర్యను ఎలాంటి గెటప్‌లు, సందేశాలు లేని సరళమైన ప్రేమకథలో చూపించనున్నారు. హీరోయిన్‌గా గ్లామరస్ బ్యూటీ కాయదు లోహర్‌ను ఫైనల్ చేశారు. సితార ఎంటర్‌టైన్‌మెంట్స్ బ్యానర్‌పై సూర్యదేవర నాగవంశీ ఈ చిత్రాన్ని నిర్మిస్తున్నారు.
ప్రీ-ప్రొడక్షన్ పనులు శరవేగంగా సాగుతుండగా, సంగీత దర్శకుడు జీవి ప్రకాష్ కుమార్ దుబాయ్‌లో మ్యూజిక్ సిట్టింగ్స్ ప్రారంభించారు. త్వరలో మోషన్ పోస్టర్‌తో సినిమాను అధికారికంగా ప్రకటించనున్నారు. సూర్య-వెంకీ కాంబో నుంచి వస్తున్న ఈ రొమాంటిక్ ఎంటర్‌టైనర్ బాక్సాఫీస్‌ను షేక్ చేయడం ఖాయం.
