Gold Rate: బంగారం ధరల ట్రెండ్‌లో వచ్చేవారం కీలకమైన పరిణామాలు ఉంటాయంటున్నారు బిజినెస్ ఎనలిస్టులు. పసిడి ధర లక్ష రూపాయల మార్క్‌ను చేరే అవకాశం ఉందంటున్నారు. ఇప్పు డు కేవలం లక్ష రూపాయలకు 1,620 దూరంలో ఉంది గోల్డ్ రేట్. అది ఏక్షణమైనా పెరిగి లక్ష రూపాయలు పూర్తి కావచ్చు.
ప్రస్తుతం హైదరాబాద్‌లో 10గ్రాముల బంగారం ధర 98వేల 380 రూపాయలుగా ఉంది. 22 క్యారెట్ల 10గ్రాముల ధర 91వేల 110 రూపాయలు పలుకుతుంది. ఇక అంతర్జాతీయంగానూ గోల్డ్ ధరలు పెరిగే అవకాశం ఉందంటున్నారు ఎనలిస్ట్‌లు.
అక్షయతృతీయకు గోల్డ్ సేల్స్ తగ్గొచ్చని అంచనాలు కూడా ఉన్నాయి. అయితే మరికొంత మంది మాత్రం గత అక్షయ తృతీయ నుంచి 31శాతం పెరిగిన ధర.. ఇప్పుడు ఎందుకు తగ్గుతుందని చెబుతున్నారు. ఈ నేపథ్యంలోనే మరో 12 రోజుల్లో 10గ్రాముల ధర లక్షకు చేరుతుందా? అనే ప్రశ్న మొదలవుతోంది. ఇక సెంటిమెంట్ ఉన్నా కొంతమేరే కొంటామంటున్న వినియోగదారులు.
ఇప్పటికే గోల్డ్‌బాండ్స్‌పై 139శాతం లాభం నమోదుకాగా 2019లో కొనుగోలు చేసిన గోల్డ్‌బాండ్స్‌ను, ముందుగానే విక్రయించేందుకు ఆర్బీఐ గ్రీన్ సిగ్నల్ కూడా ఇచ్చింది. గోల్డ్ బాండ్స్‌ను విక్రయించేందుకు ఈనెల 15వ తేదీనే అనుమతి ఇచ్చింది. బాండ్ల ధరను గ్రాముకు 9వేల 69రూపాయలుగా నోటిఫై చేసింది సర్కార్.
