Chiranjeevi: టాలీవుడ్ సీనియర్ స్టార్ హీరో చిరంజీవి మరో అరుదైన గౌరవం అందుకున్నారు. సినీ ఇండస్ట్రీలో నలభై ఏళ్లకు పైగా ఆయన సేవలను, ఆయన చేసిన కృషిని యూకే ప్రభుత్వం గుర్తించింది.ప్రజా సేవల్లో ఎంతో ప్రతిభ కనబరిచినందుకు ఆయనకు మార్చి 19న జీవిత సాఫల్య పురస్కారాన్ని యూకే గవర్నమెంట్ ప్రధానం చేయనుంది. అందులో భాగంగానే చిరంజీవి మంగళవారం లండన్ చేరుకున్నారు. తమ అభిమాన హీరోకు లభించిన ఈ ప్రత్యేక గౌరవంతో మెగా
అభిమానుల ఆనందానికి అవధుల్లేకుండా పోయాయి.
లండన్ కు చేరుకున్న మెగాస్టార్ చిరంజీవికి ఘన స్వాగతం పలికేందుకు లండన్ హీత్రూ ఎయిర్‌పోర్టుకు వందలాది మంది మెగా ఫ్యాన్స్ వెళ్లారు. తనని రిసీవ్ చేసుకుని వారి ఆనందాన్ని తెలిపిన ఫ్యాన్స్ తో మెగాస్టార్ నవ్వుతూ సెల్ఫీలు దిగారు. ప్రస్తుతం మెగాస్టార్ వశిష్ట దర్శకత్వంలో విశ్వంభర చేస్తున్నారు. ఆ సినిమా తర్వాత అనిల్ రావిపూడి దర్శకత్వంలో ఓ సినిమాను చేయనున్నాడు. జూన్ నుంచి అనిల్ రావిపూడి- చిరంజీవి సినిమా సెట్స్ పైకి వెళ్లి సంక్రాంతికి రిలీజ్ కానుంది. అనిల్ సినిమా తర్వాత దసరా ఫేమ్ శ్రీకాంత్ ఓదెల దర్శకత్వంలో మెగాస్టార్ సినిమా చేయనున్నాడు.
