Karate Kalyani: నటి కరాటే కళ్యాణి బిగ్బాస్ షో గురించి సంచలన వ్యాఖ్యలు చేసింది. షో వల్ల సినిమా అవకాశాలు పోయాయని, ఇండస్ట్రీకి దూరమయ్యానని బహిరంగంగా చెప్పింది. ఆమె ఇంటర్వ్యూ వైరల్ అవుతోంది. దీని గురించి పూర్తి వివరాలు చూద్దాం.
తెలుగు బిగ్బాస్ షో అనేక మందిని కెరీర్లో మలుపు తిప్పింది. కానీ నటి కరాటే కళ్యాణి మాత్రం దీని వల్లే నష్టపోయానని చెబుతోంది. ఓ ఛానల్కు ఇచ్చిన ఇంటర్వ్యూలో ఆమె షాకింగ్ కామెంట్స్ చేసింది. బిగ్బాస్లో పాల్గొనడం వల్ల లాభం కంటే నష్టమే ఎక్కువని, సంపాదించిన దానికంటే రెట్టింపు నష్టం వచ్చిందని అన్నారు.
షో అగ్రిమెంట్ కారణంగా సినిమా అవకాశాలు తగ్గాయని, ఇండస్ట్రీకి పూర్తిగా దూరమయ్యానని బాధపడింది. షో తర్వాత అవకాశాలు ఇస్తామని చెప్పి మోసం చేశారని ఆరోపించింది. ఈ వ్యాఖ్యలు సోషల్ మీడియాలో తీవ్ర చర్చనీయాంశంగా మారాయి. బిగ్బాస్ వల్ల ఇంత నష్టమైతే ఎందుకు వెళ్లారని నెటిజన్లు కరాటే కళ్యాణిని ప్రశ్నిస్తున్నారు.
