AA22: ఐకాన్ స్టార్ అల్లు అర్జున్, కోలీవుడ్ దర్శకుడు అట్లీ కాంబోలో రాబోతున్న భారీ చిత్రం నుంచి సంచలన అప్డేట్ వచ్చేసింది. బాలీవుడ్ స్టార్ దీపికా పడుకోణె హీరోయిన్‌గా ఎంపికైంది. ఈ పాన్ ఇండియా మూవీ అంతర్జాతీయ స్థాయి విజువల్స్‌తో రూపొందుతోంది. పూర్తి వివరాలు ఇప్పుడు చూద్దాం!
అల్లు అర్జున్, అట్లీ కలయికలో సన్ పిక్చర్స్ బ్యానర్‌పై రూపొందుతున్న ‘AA22’ సినిమా అంచనాలను ఆకాశానికి తాకిస్తోంది. తాజాగా ఈ చిత్రంలో బాలీవుడ్ స్టార్ దీపికా పడుకోణె హీరోయిన్‌గా ఖరారైంది. ఈ విషయాన్ని నిర్మాతలు క్రేజీ పోస్టర్‌తో ప్రకటించారు. అట్లీ దీపికాకు కథ వివరిస్తున్న విజువల్స్, బ్లాక్ అండ్ వైట్ లుక్‌లో చూపించిన సన్నివేశాలు అభిమానులను ఆకట్టుకుంటున్నాయి.
యుద్ధ సన్నివేశాల కోసం దీపికా తీవ్ర శిక్షణ తీసుకుంటున్నట్లు తెలుస్తోంది. హాలీవుడ్ స్థాయి విజువల్ ఎఫెక్ట్స్‌తో ఈ సినిమా రూపొందుతుండగా, జులైలో షూటింగ్ ప్రారంభం కానుంది. సన్ పిక్చర్స్ మరో బ్లాక్‌బస్టర్‌ను అందించేందుకు సిద్ధమవుతోంది. అల్లు అర్జున్ డ్యూయెల్ రోల్‌తో సినిమా మరింత ఆసక్తికరంగా మారనుంది.
