ప్రపంచ చెస్ ఛాంపియన్‌గా మన ఇండియన్ సత్తా చాటాడు. తెలుగు మూాలాలున్న తమిళ కుర్రాడు ఈ ఘనతను సాధించాడు. 18 ఏళ్లలో 18వ వరల్డ్ చెస్ ఛాంపియన్ షిప్‌ను కైవసం చేసుకున్నాడు. ఇక అత్యంత పిన్న వయస్కుడిగా గుకేశ్ రికార్డు సాధిస్తే.. విశ్వనాథ్ ఆనంద్ తరువాత ఈ టైటిల్‌ను, ఛాంపియన్ షిప్‌ను కైవసం చేసుకున్న రెండో వ్యక్తిగా గుకేశ్ కొత్త చరిత్ర సృష్టించాడు. ఇక గుకేశ్ గురించి నెట్టింట్లో బాగానే సర్చ్ చేశారు. గుకేశ్ మీద సినీ, రాజకీయ ప్రశంసలు కురిపించారు.
ఇక తాజాగా గుకేశ్ తనకు ఇష్టమైన సినిమాల గురించి మీడియాతో పంచుకున్నాడు. అసలు గుకేశ్ ప్రాక్టీస్‌తో బిజీగా ఉంటాడు.. అలాంటి వాడికి సినిమాలు చూసే అలవాటు ఉంటుందా? అని అంతా అనుకుని ఉంటారు. కానీ గుకేశ్‌కు సినిమాలు అంటే చాలానే ఇష్టమట. తెలుగులో విజయ్ దేవరకొండ గీత గోవిందం అంటే చాలా ఇష్టమట. తమిళంలో సూర్య నటించిన సూర్య సన్ ఆఫ్ కృష్ణన్ అంటే ఇష్టమని అన్నాడు.
ఇక హిందీలో చాలా ఓల్డ్ సినిమాలంటే ఇష్టమని తెలిపాడు. జిందగీ నా మిలేగా దొబారా అంటూ మరీ ఇష్టమని గుకేశ్ చెప్పాడు. ఇక గుకేశ్ తనకు ఇష్టమైన సినిమాల లిస్ట్ చెప్పడంతో సోషల్ మీడియాలో ఆ వీడియోలు వైరల్ అవుతున్నాయి. గుకేశ్ అన్ని భాషల చిత్రాలను చూస్తాడని అర్థం అవుతోంది. విజయ్ దేవరకొండ గీత గోవిందం సినిమా తెలుగులో బ్లాక్ బస్టర్ హిట్ అయినా కూడా డబ్బింగ్ ద్వారా అన్ని భాషల అభిమానులకు చేరువ అయిన సంగతి తెలిసిందే.
విజయ్, రష్మిక కలిసి నటించిన గీత గోవిందం తెలుగులో వంద కోట్లు క్రాస్ చేసిన సంగతి తెలిసిందే. అర్జున్ రెడ్డి, గీత గోవిందం ఇలా వరుసగా బ్లాక్ బస్టర్‌లు కావడంతో విజయ్‌కి తెలుగులో తిరుగులేని స్టార్డం ఏర్పడింది. ఇక రష్మికకి సైతం గీత గోవిందం బాగా కలిసి వచ్చింది. ఆ తరువాత విజయ్‌తో చేసిన డియర్ కామ్రేడ్ సైతం ఓ సెట్ ఆఫ్ ఆడియెన్స్‌ను ఆకట్టుకున్న సంగతి తెలిసిందే.
