ఆంధ్రప్రదేశ్‌కు తుపాను ముప్పు పొంచి ఉంది. బంగాళాఖాతంలో ఏర్పడనున్న అల్పపీడనం క్రమంగా బలపడి తుపానుగా మారే అవకాశం ఉందని వాతావరణ అంచన వేస్తోంది. ఈనేపథ్యంలో నేడు బంగాళాఖాతంలో అల్పపీడనం ఏర్పడనుండగా.. ఎల్లుండికి వాయుగుండంగా బలపడే అవకాశం ఉంది. ఈ నెల 27వ తేదీ నాటికి తుపానుగా మారే సూచనలు కనిపిస్తున్నాయి.
అనంతరం ఈ నెల 28న ఉత్తరాంధ్ర–ఒడిశా మధ్య తీరం దాటే అవకాశం ఉందని అంచనా వేస్తున్నారు.ఈ ప్రభావంతో ఈ నెల 27వ తేదీ నుంచి ఉత్తర కోస్తా ఆంధ్రలో భారీ నుంచి అతిభారీ వర్షాలు కురిసే అవకాశం ఉందని వాతావరణశాఖ తెలిపింది.. తుపాను దిశ, తీవ్రత, తీరం దాటే ప్రాంతంపై రానున్న రోజుల్లో మరింత స్పష్టత వచ్చే అవకాశం ఉంది.
