Ravi Teja: మాస్ మహారాజా రవితేజ కెరీర్లో మరో ముఖ్యమైన ప్రాజెక్ట్ సిద్ధమవుతోంది. పీపుల్ మీడియా ఫ్యాక్టరీ బ్యానర్పై ఇది నాలుగో చిత్రంగా రూపొందనుంది. గతంలో ధమాకా, ఈగల్, మిస్టర్ బచ్చన్ చిత్రాలు ఈ బ్యానర్లో విడుదలయ్యాయి. ఇప్పుడు మళ్లీ ఈ టీం కలుస్తోంది.
రవితేజ ప్రస్తుతం కిషోర్ తిరుమల దర్శకత్వంలో రూపొందిన ‘భర్త మహాశయులకు విజ్ఞప్తి’ చిత్రాన్ని సంక్రాంతి కానుకగా విడుదల చేసేందుకు సిద్ధమవుతున్నారు. ఈ పూర్తి ఫ్యామిలీ ఎంటర్టైనర్ తర్వాత ఆయన తదుపరి ప్రాజెక్ట్ పీపుల్ మీడియా ఫ్యాక్టరీతో ఖరారు కానుంది. గతంలో ఈ బ్యానర్లో వచ్చిన ధమాకా, ఈగల్ చిత్రాలు విజయవంతమయ్యాయి.
అయితే మిస్టర్ బచ్చన్ భారీ నష్టాలను మిగిల్చింది. ఆ సమయంలో నిర్మాత టీజీ విశ్వ ప్రసాద్ చేసిన వ్యాఖ్యలు చర్చనీయాంశమయ్యాయి. అయినప్పటికీ రవితేజతో మళ్లీ సహకరించేందుకు సిద్ధమవుతున్నారు. దర్శకుడు సురేందర్ రెడ్డి రవితేజకు ఒక లైన్ వినిపించగా చర్చలు సానుకూలంగా జరిగాయి. కథను వక్కంతం వంశీ అందించనున్నారు. వచ్చే ఏడాది అధికారిక ప్రకటన రానుంది. షూటింగ్ 2026 రెండో భాగంలో ప్రారంభమవుతుంది.
