Naga Chaitanya: నాగచైతన్య వరుస భారీ ప్రాజెక్టులతో బిజీగా ఉన్నాడు. ‘తండేల్’ తర్వాత ‘వృషకర్మ’ మిస్టిక్ థ్రిల్లర్లో నటిస్తున్న విషయం తెలిసిందే. ఇప్పుడు మరో సర్ప్రైజ్ ప్రాజెక్ట్కు చైతూ గ్రీన్ సిగ్నల్ ఇచ్చాడు. ‘బెదురులంక’ ఫేమ్ క్లాక్స్ ఈ చిత్రాన్ని తెరకెక్కించనున్నాడు. దీని గురించి పూర్తి వివరాలు చూద్దాం.
నాగచైతన్య ప్రస్తుతం ‘తండేల్’ తర్వాత కార్తీక్ దండు దర్శకత్వంలో ‘వృషకర్మ’ అనే మిస్టిక్ థ్రిల్లర్లో నటిస్తున్నాడు. సుకుమార్ సమర్పణలో బీవీఎస్ఎన్ ప్రసాద్ నిర్మిస్తున్న ఈ సినిమా చైతూ కెరీర్లోనే అత్యధిక బడ్జెట్ ప్రాజెక్ట్. ఇందులో మీనాక్షీ చౌదరి హీరోయిన్గా నటిస్తోంది. ఇప్పటికే ఓవర్సీస్ రైట్స్ రికార్డు బిజినెస్ సాధించింది. ప్రస్తుతం షూటింగ్ జోరుగా సాగుతోంది. ఈ సెట్స్పై ఉండగానే చైతన్య తన తదుపరి చిత్రానికి ఓకే చెప్పాడు.
‘బెదురులంక’ ఫేమ్ క్లాక్స్ చెప్పిన వైవిధ్యమైన కథకు చైతూ బాగా ఇంప్రెస్ అయ్యాడు. ఈ కొత్త ప్రాజెక్ట్ను బన్నీ వాసు, సునీల్ నారంగ్ కలిసి నిర్మించనున్నారు. వచ్చే ఏడాది ఏప్రిల్ నుంచి షూటింగ్ ప్రారంభమవుతుంది. త్వరలోనే హీరోయిన్ సహా అధికారిక వివరాలు వెలువడనున్నాయి. ఇలా బ్యాక్ టు బ్యాక్ క్రేజీ దర్శకులతో నాగ చైతన్య తన లైనప్ను బలోపేతం చేసుకుంటున్నాడు.
