Tirumala: తిరుమలలో శ్రీవారి దర్శనం కోసం భక్తుల రద్దీ రోజు రోజుకూ పెరుగుతోంది. ప్రస్తుతం వైకుంఠం క్యూ కాంప్లెక్స్లోని అన్ని కంపార్ట్మెంట్లు నిండిపోయాయి. భక్తులు శిల తోరణం వరకు బయట క్యూలో నిలబడి ఉన్నారు. ఈ క్యూలైన్లో నిలబడ్డ వారికి సర్వదర్శనం కోసం సుమారు 24 గంటల సమయం పడుతుంది.
నిన్న ఒకే రోజు 69,531 మంది భక్తులు స్వామివారి దర్శనం చేసుకున్నారు. అదే విధంగా, 31,439 మంది భక్తులు తలనీలాలు సమర్పించారు. భక్తుల భక్తిశ్రద్ధకు నిదర్శనంగా, స్వామివారి హుండీలో రూ. 3.49 కోట్లు ఆదాయం వచ్చింది.
