Pamban Bridge: దేశంలోనే మొట్టమొదటి వర్టికల్ లిఫ్ట్ రైల్వే సముద్ర వంతెన పాంబన్ బ్రిడ్జిని ప్రధాని నరేంద్ర మోడీ ప్రారంభించారు. భారత భూభాగాన్ని రామేశ్వరంతో కలుపుతూ నిర్మించిన ఈ బ్రిడ్జిని మోడీ జాతికి అంకితం చేశారు. అత్యాధునిక సాంకేతిక పరిజ్ఞానంతో 535 కోట్ల రూపాయలు వెచ్చించి తమిళనాడులోని రామనాథపురం జిల్లాలో ఈ వంతెనను నిర్మించారు.
2020లో రైల్‌ వికాస్‌ నిగమ్‌ లిమిటెడ్‌ పనులు చేపట్టి, నాలుగేళ్లలో పూర్తి చేసింది. సముద్రంలో 2.08 కి.మీ. పొడవున్న ఈ వంతెనపై రైళ్ల రాకపోకలు సాగించేలా, కింది నుంచి ఓడలు వెళ్లేందుకు వీలుగా వర్టికల్ లిఫ్ట్ ఉంటుంది. 2019 మార్చి 1న ఈ ప్రాజెక్టుకు శంకుస్థాపన చేసిన ప్రధాని నరేంద్ర మోడీ. ఇవాళ బ్రిడ్జిని ప్రారంభించారు.
