KCR: రానున్న రోజుల్లో బీఆర్ఎస్‌దే అధికారమని బీఆర్ఎస్ అధినేత కేసీఆర్ అన్నారు. ఫామ్ హౌస్ లో BRS అధినేత కేసీఆర్‌ను మాజీ ఎమ్మెల్యే చందర్, పెద్దపల్లి జిల్లా BRS నాయకులు కలిశారు. ఈ సందర్బంగా కీలక వ్యాఖ్యలు చేశారు కేసీఆర్. బెల్లం ఉన్న దగ్గరే ఈగలు వస్తాయని అలాగే సిరిసంపదలు ఉన్న తెలంగాణను దోచుకోవడానికి కొందరు సిద్ధంగా ఉన్నారన్నారు.
పదేళ్లు తెలంగాణలో ఎటువంటి ఇబ్బందులు లేవన్నారు. కానీ ఇప్పుడు సమస్యల వలయంలో తెలంగాణ చిక్కుకుందని ఆవేదన వ్యక్తం చేశారు. అనంతరం ఏపీలో కూటమి లేకుంటే చంద్రబాబు గెలిచేవాడు కాదని సంచలన కామెంట్స్ చేశారు. మనల్ని బలవంతంగా ఆంధ్రాలో కలిపారన్నారు. నోటికొచ్చిన హామీలతో కాంగ్రెస్ అధికారంలోకి వచ్చింది కానీ ఏ ఒక్క హామీని కాంగ్రెస్ నెరవేర్చలేదు
