NTR-Prashanth Neel: యంగ్ టైగర్ ఎన్టీఆర్, ప్రశాంత్ నీల్ కాంబినేషన్లో రూపొందుతున్న చిత్రం #NTRNeel కోసం ఆఫ్రికాలో భారీ యాక్షన్ సన్నివేశాలు చిత్రీకరించనున్నారు. ఇప్పటికే లొకేషన్స్ ఖరారు చేసిన టీమ్ మూడు వారాలకుపైగా ఆఫ్రికాలో ఉండి షూటింగ్ పూర్తి చేసుకునే అవకాశం ఉంది.
ప్రశాంత్ నీల్ దర్శకత్వంలో ఎన్టీఆర్ నటిస్తున్న భారీ బడ్జెట్ చిత్రం #NTRNeel ప్రీ-ప్రొడక్షన్ పనులు వేగంగా జరుగుతున్నాయి. ఇటీవల దర్శకుడు ప్రశాంత్ నీల్ ఆఫ్రికా పర్యటించి కీలక లొకేషన్స్ను సెలెక్ట్ చేశారు. అక్కడే చిత్రంలోని ముఖ్యమైన అంతర్జాతీయ యాక్షన్ సీక్వెన్స్లు చిత్రీకరించనున్నారు. మూడు వారాల నుంచి నెల రోజుల వరకు ఆఫ్రికాలోని వివిధ ప్రాంతాల్లో షూటింగ్ జరిగే అవకాశం ఉంది.
ఈ షెడ్యూల్తో చిత్రం మిగిలిన భాగం దాదాపుగా పూర్తవుతుందని సమాచారం. ఇప్పటికే భారీ సెట్స్, విజువల్ ఎఫెక్ట్స్ పనులు జోరుగా సాగుతున్నాయి. ఈ చిత్రం ద్వారా ఎన్టీఆర్ మరోసారి పాన్ ఇండియా స్థాయిలో ఆకట్టుకునేందుకు సిద్ధమవుతున్నాడు.
