UP Bride Shocking Desires: పెళ్లికి ముందు అందరు అమ్మాయిలు చాలానే కలలు కంటారు. అర్ధరాత్రి లాంగ్ డ్రైవ్‌కు వెళ్లాలి, ఆయా ప్రదేశాలు తిరగాలి.. ఇలా చేయాలి, అలా చేయాలని సవాలక్ష అనుకుంటారు. కానీ అవన్నీ చేయడానికి తల్లిదండ్రులు ఒప్పుకోరు. అనేక రకాల కారణాలతో వాళ్లు నో చెప్పినా.. పెళ్లయ్యాక భర్తతో అయినా సరే ఆ కోరికలు తీర్చుకోవాలనుకుంటారు. అలాగే అనుకుందో యువతి. పెళ్లయిన వెంటనే తన భర్తకు తన మనసులో ఉన్న మూడు కోరికల గురించి చెప్పింది.
అయితే కొత్త పెళ్లి కూతురు చెప్పిన కోరికలు విన్న అతడు.. ముచ్చటగా తీరుస్తానని చెప్పడానికి బదులుగా విపరీతంగా భయపడ్డాడు. ఆ కోరికల లిస్ట్ బయటకు రాగా.. పోలీసులు కూడ జోక్యం చేసుకున్నా. మరి నవ వధువు కోరిన.. అంత భయంకరమైన కోరికలు ఏంటో మనం ఇప్పుడు తెలుసుకుందాం.
ఉత్తర ప్రదేశ్‌లోని సహరాన్‌పూర్‌కు చెందిన ఓ అబ్బాయి.. ఇటీవలే పెళ్లి చేసుకున్నాడు. తన మనసుకు నచ్చిన తన భార్యతో సంతోషంగా ఉండాలని లోలోపల కలలు కంటూనే.. ఇంట్లోకి అడుగు పెట్టాడు. ఆ తర్వాత సంప్రదాయ పద్ధతిలో “వీరికి ముహ్ దిఖాయా” వేడుక నిర్వహించారు. అంటే వధువుపై ఉన్న బురఖా తొలగించి ఆమె కోరిన కోరికలను అందరూ తీర్చాల్సి ఉంటుంది. ముందుగా బురఖా తీసిన భర్త.. ఏం కావాలో కోరుకో అన్నాడు.
అది విన్న వెంటనే నవవధువు.. తన మనసులోని మూడు కోరికల గురించి వివరించింది. ముందుగా తనకొక బీర్ కావాలని చెప్పింది. అది విన్న వరుడు షాక్ అయ్యాడు. కానీ ఆమె తాగాలనుకుంటుందేమోనని సరేనన్నాడు. ఆపై రెండో కోరికగా గాంజా కావాలని చెప్పింది. అది విన్న అతడు కళ్లు తేలేశాడు. అస్సలే కుదరదని తేల్చి చెప్పాడు. అది పట్టించుకోకుండానే వధువు మూడో కోరికగా ఎక్కువ మొత్తంలో మేక మాంసం కావాలని తెలిపింది. ఇవన్నీ విన్న నవవరుడు భయపడిపోయాడు.
భార్య కోరిన కోరికల గురించి కుటుంబ సభ్యులకు చెప్పాడు. దీంతో వాళ్లు కొత్త పెళ్లికూతురిపై అరిచారు. దాంతో ఆమె.. తన పుట్టింటి వాళ్లకు విషయం చెప్పింది. ఇలా రెండు కుటుంబాల మధ్య గొడవలు ప్రారంభం అయ్యాయి. ముఖ్యంగా వరుడి తల్లిదండ్రులు.. ఆమె అమ్మాయి కాదని ట్రాన్స్ జెండర్ అంటూ కామెంట్లు చేశారు. దీంతో గొడవ మరింత ముదిరింది. ఇలా తేలేలా లేదని భావించిన వరుడి తరఫు వారు పోలీసులను ఆశ్రయించారు. విషయం మొత్తం వివరించగా.. ఇది మీ ఇంటి సమస్య.. మీరే తేల్చుకోవాలని చెప్పి పోలీసులు పంపించారు. దీనిపై ఎలాంటి ఫిర్యాదు లేకపోవడంతో కేసు నమోదు కాలేదు. ఇంట్లోనే వాళ్లు సమస్య తేల్చుకోబోతున్నట్లు తెలుస్తోంది.
