Krithi Shetty: ఉప్పెన చిత్రంతో స్టార్డమ్ సాధించిన కృతి శెట్టి కెరీర్ ప్రస్తుతం కష్టకాలంలో ఉంది. తెలుగులో అవకాశాలు తగ్గడంతో తమిళ సినిమాల వైపు మళ్లింది. అక్కడ కార్తీతో అన్నగారు వస్తారు, లవ్ ఇన్సూరెన్స్ కంపెనీ చిత్రాలు వాయిదా పడ్డాయి. ఈ వాయిదాలు ఆమెపై ప్రభావం చూపుతున్నాయి.
ఉప్పెన సినిమాతో టాలీవుడ్లో సంచలన డెబ్యూ ఇచ్చిన కృతి శెట్టి తర్వాత చేసిన చిత్రాలతో మంచి పేరు తెచ్చుకుంది. అయితే వరుస ఫ్లాప్స్ ఆమె గ్రాఫ్ను దిగజార్చాయి. తెలుగులో అవకాశాలు తగ్గడంతో తమిళ సినిమాలకు షిఫ్ట్ అయింది. అయినప్పటికీ అక్కడ కూడా బ్లాక్బస్టర్ హిట్ దక్కలేదు.
కార్తీతో నటించిన అన్నగారు వస్తారు చిత్రం డిసెంబర్ 12న రిలీజ్ కావాల్సి ఉండగా కొన్ని కారణాల వల్ల వాయిదా పడింది. అలాగే డిసెంబర్ 18న విడుదల కావాల్సిన లవ్ ఇన్సూరెన్స్ కంపెనీ చిత్రం కూడా బడ్జెట్ వివాదాల కారణంగా ఆగిపోయిందని కోలీవుడ్ వర్గాలు చెబుతున్నాయి.
వారం రోజుల వ్యవధిలో రెండు చిత్రాలు ఒకేసారి వాయిదా పడటంతో కృతి శెట్టి అయోమయంలో పడింది. ఈ వ్యవహారంలో ఆమె చేతిలో ఏమీ లేకపోయినా వాయిదాల ప్రభావం ఆమె కెరీర్పై స్పష్టంగా కనిపిస్తోంది. బ్యాక్ టు బ్యాక్ చిత్రాలతో మళ్లీ ప్రేక్షకులను ఆకర్షించాలని చూసిన ఈ బ్యూటీకి ఇప్పుడు వరుస వాయిదాలు ఎదురయ్యాయి.
