Thammudu: నితిన్ హీరోగా నటిస్తున్న ‘తమ్ముడు’ సినిమా సెన్సార్ పూర్తి చేసుకుంది. శ్రీరామ్ వేణు దర్శకత్వంలో రూపొందిన ఈ ఎమోషనల్ యాక్షన్ డ్రామా జూలై 4న గ్రాండ్ రిలీజ్‌కు సిద్ధమవుతోంది. లయ, సప్తమి గౌడ కీలక పాత్రల్లో నటిస్తున్నారు.
నితిన్ కెరీర్‌లో మరో బిగ్గెస్ట్ యాక్షన్ డ్రామాగా ‘తమ్ముడు’ రూపొందింది. శ్రీరామ్ వేణు దర్శకత్వంలో తెరకెక్కిన ఈ చిత్రం అక్క-తమ్ముడి ఎమోషనల్ బంధాన్ని ఆధారంగా చేసుకుని, యాక్షన్‌తో మిళితమై ప్రేక్షకులను అలరించనుంది. సెన్సార్ బోర్డ్ ఈ సినిమాకు ‘ఏ’ సర్టిఫికెట్ జారీ చేయడంతో అభిమానుల్లో ఆసక్తి రెట్టింపైంది.
లయ రీ-ఎంట్రీతో పాటు సప్తమి గౌడ, వర్ష బొల్లమ్మ ముఖ్య పాత్రల్లో కనిపించనున్నారు. అజనీష్ లోక్‌నాథ్ సంగీతం సినిమాకు ప్రత్యేక ఆకర్షణగా నిలుస్తుంది. దిల్ రాజు, శిరీష్ నిర్మాణంలో రూపొందిన ఈ చిత్రం ప్రమోషనల్ కంటెంట్‌తో ఇప్పటికే ప్రేక్షకుల్లో భారీ అంచనాలు రేకెత్తించింది. జూలై 4న థియేటర్లలో సందడి చేయనున్న ‘తమ్ముడు’ నితిన్ అభిమానులకు మరో హిట్ అందిస్తుందని ఆశిస్తున్నారు.
