Good Bad Ugly: తమిళ సినిమా బాక్సాఫీస్‌లో అజిత్ మరోసారి సంచలనం సృష్టించారు. ‘గుడ్ బ్యాడ్ అగ్లీ’ మూవీ తొలి రోజు రికార్డు సృష్టించింది. ఈ భారీ ఓపెనింగ్ అజిత్ కెరీర్‌లోనే కాదు, ఇటీవలి తమిళ సినిమాల్లోనూ టాప్‌లో నిలిచింది.
అజిత్ నటించిన ‘గుడ్ బ్యాడ్ అగ్లీ’ తమిళనాడు బాక్సాఫీస్‌ను షేక్ చేసింది. తొలి రోజు రూ.21.85 కోట్ల గ్రాస్ వసూలు చేసి, అజిత్ కెరీర్‌లో బెస్ట్ ఓపెనింగ్‌గా నిలిచింది. మిక్స్డ్ టాక్ వచ్చినా, అజిత్ మాస్ అప్పీల్ మరోసారి విజిల్స్ కొట్టింది. భారీ ప్రమోషన్లు లేకపోయినా, ఈ చిత్రం ప్రేక్షకులను థియేటర్లకు రప్పించింది.
విజయ్ ‘ది గ్రేటెస్ట్ ఆఫ్ ఆల్ టైమ్’ రూ.20.66 కోట్లతో రెండో స్థానంలో, అజిత్ ‘విదాముయర్చి’ రూ.18.21 కోట్లతో మూడో స్థానంలో నిలిచాయి. అయితే, రజనీకాంత్ ‘వెట్టయన్’ రూ.14.66 కోట్లు, సూర్య ‘కంగువా’ రూ.8.49 కోట్లతో అంతగా ఆకట్టుకోలేదు. అజిత్ సినిమాకు పోటీ ఇచ్చే స్థాయిలో ఇప్పుడు మరో మూవీ లేదని అనలిస్ట్‌లు చెబుతున్నారు. ‘గుడ్ బ్యాడ్ అగ్లీ’ వీకెండ్ కలెక్షన్స్ ఎలా ఉంటాయో చూడాలి.
