Jr NTR: జూనియర్ ఎన్టీఆర్ అభిమానులపై పోలీస్ యాక్షన్ తీసుకున్నారు. అనంతపురం ఎమ్మెల్యే వ్యాఖ్యలను నిరసిస్తూ ధర్నాకు సిద్ధమైన ఫ్యాన్స్ను పోలీసులు అరెస్ట్ చేశారు. దీంతో మదనపల్లిలో ఉద్రిక్తత నెలకొంది.
జూనియర్ ఎన్టీఆర్ అభిమానులపై పోలీసుల చర్యలు సంచలనం సృష్టించాయి. అనంతపురం టీడీపీ ఎమ్మెల్యే దగ్గుబాటి ప్రసాద్ ఎన్టీఆర్పై చేసిన వివాదాస్పద వ్యాఖ్యలను నిరసిస్తూ మదనపల్లిలో ధర్నాకు సిద్ధమైన ఫ్యాన్స్ను పోలీసులు అరెస్ట్ చేశారు. ఎన్టీఆర్ ఫ్యాన్స్ అసోసియేషన్ అధ్యక్షుడు టెంపర్ రాజేష్తో పాటు పలువురిని అదుపులోకి తీసుకున్నారు.
ఈ అరెస్టులను ఖండిస్తూ ఫ్యాన్స్ వన్ టౌన్ పోలీస్ స్టేషన్ వద్ద ధర్నాకు దిగారు. ఈ ఘటనతో మదనపల్లిలో ఉద్రిక్త వాతావరణం నెలకొంది. ఎన్టీఆర్ అభిమానులు తమ నిరసనను కొనసాగిస్తామని, న్యాయం కోసం పోరాడతామని చెబుతున్నారు. ఈ విషయంపై మరిన్ని అప్డేట్స్ కోసం ఎదురుచూస్తున్నారు.
