Shruti Haasan: కమల్ హాసన్ కుమార్తె శ్రుతి హాసన్ తన తండ్రి ప్రభావం గురించి మాట్లాడారు. ఆయన యాక్టింగ్తో తన నటనను పోల్చడం సహజమని చెప్పారు. బాక్సాఫీసు నంబర్లు కమల్ను ప్రభావితం చేయవని తెలిపారు. తమిళ సినిమా రంగంలో ఆయన స్ఫూర్తిదాయకమని పేర్కొన్నారు. ఈ విషయం గురించి పూర్తి వివరాలు చూద్దాం.
మల్టీ టాలెంటెడ్ నటిగా పేరొందిన శ్రుతి హాసన్ తన తండ్రి కమల్ హాసన్పై ఆసక్తికర వ్యాఖ్యలు చేశారు. కమల్ కుమార్తెగా సినీ రంగానికి పరిచయమైన ఆమె గాయని, సంగీత దర్శకురాలు, నటిగా తన నైపుణ్యాలను ప్రదర్శిస్తూనే ఉన్నారు. తాజాగా శ్రుతి మాట్లాడుతూ ‘నేను కమల్ హాసన్ కుమార్తెగా వెండితెరకు వచ్చాను. ఆయన ప్రభావం నాపై ఎక్కువగా ఉంటుంది. నా నటనను ఆయన యాక్టింగ్తో పోలుస్తారు. కానీ అందుకు నేను ఎప్పుడూ ఇబ్బంది పడలేదు’ అని చెప్పారు.
మరింతగా ఆమె వివరిస్తూ ‘తమిళ చిత్ర పరిశ్రమలో అనేక మందికి మా నాన్న స్ఫూర్తిని నింపారు. తన సొంత డబ్బు పెట్టి సినిమాలు తీసిన సందర్భాలు ఉన్నాయి. ఆయనకు బాక్సాఫీసు సంఖ్యల గురించి ఆలోచన ఉండదు. వాటిని పట్టించుకోకుండా తన పని చేసుకుంటారు. అందుకే ఆ సంఖ్యలు ఆయన్ని ప్రభావితం చేయలేవు’ అని తెలిపారు.
