Ram Gopal Varma: సీఐడీ విచారణకు హాజరయ్యేందుకు మరింత సమయం కోరిన రామ్ గోపాల్ వర్మ

Ram Gopal Varma: వివాదాస్పద దర్శకుడు రామ్ గోపాల్ వర్మ ఇవాళ గుంటూరులో సీఐడీ అధికారుల ఎదుట విచారణకు హాజరు కావాల్సి ఉండగా.. గడువు కోరాడు. వ్యక్తిగత కారణాల వల్ల రాలేనని ఆయన సీఐడీ అధికారులకు సమాచారం ఇచ్చారు.

సినిమా ప్రమోషన్లలో బిజీగా ఉండటం వల్ల విచారణకు హాజరు కాలేనని, ఈ నెల 28న సినిమా విడుదల ఉండటంతో తీరిక లేదని పేర్కొన్నారు. తనకు 8 వారాల సమయం కావాలని, ఆ తర్వాత తేదీ ఇస్తే విచారణకు వస్తానని సీఐడీ ఇన్‌స్పెక్టర్ తిరుమలరావుకు వాట్సాప్ ద్వారా తెలియజేశారు.