ప్రభాస్ ‘ది రాజాసాబ్’ థియేటర్లలో అభిమానుల సందడి కొనసాగుతోంది. మొసలి ఫైట్ సీన్ను రీక్రియేట్ చేస్తూ ఫ్యాన్స్ మొసలి బొమ్మలతో హంగామా సృష్టిస్తున్నారు. ఈ వీడియోలు సోషల్ మీడియాలో వైరల్ అవుతున్నాయి. దీంతో ప్రభాస్ అభిమానుల ఉత్సాహం మరోసారి కనిపిస్తోంది.
ప్రభాస్ నటించిన ‘ది రాజాసాబ్’ థియేటర్ల వద్ద డార్లింగ్ ఫ్యాన్స్ సందడి రేకెత్తిస్తోంది. మారుతి దర్శకత్వంలో తెరకెక్కిన ఈ పాన్ ఇండియా చిత్రంలో సంజయ్ దత్, బోమన్ ఇరానీ, జరీనా వాహబ్ కీలక పాత్రలు పోషించారు. మాళవిక మోహనన్, నిధి అగర్వాల్, రిద్ది కుమార్ హీరోయిన్లుగా నటించారు. ప్రభాస్ తొలి హారర్ కామెడీ యాక్షన్ థ్రిల్లర్గా రూపొందిన ఈ సినిమాపై సంక్రాంతి సీజన్లో భారీ అంచనాలు నెలకొన్నాయి. ట్రైలర్ నుంచి మొసలి ఫైట్ సీన్ వైరల్ కావడంతో మొసలి మీమ్స్ సోషల్ మీడియాను ఆక్రమించాయి.
రిలీజ్ అనంతరం థియేటర్లలో ఫ్యాన్స్ మొసలి బొమ్మలతో హంగామా చేస్తున్నారు. క్లైమాక్స్ మొసలి ఫైట్ సమయంలో స్క్రీన్ వద్దకు వచ్చి సీన్ను రీక్రియేట్ చేస్తున్నారు. ఈ వీడియోలు నెట్టింట వైరల్గా మారాయి. కొందరు ఏఐ క్రియేటెడ్ అని అనుమానిస్తున్నా, నిజమైన ఫ్యాన్స్ ఉత్సాహమని మరికొందరు ధృవీకరిస్తున్నారు.
నెటిజన్లు ‘మొసలి పండగ’ అంటూ ఫన్ కామెంట్లు పెడుతున్నారు. ప్రభాస్ డైహార్డ్ ఫ్యాన్స్ ఈ విధంగా సందడి చేయడం సహజమని అభిమానులు స్పందిస్తున్నారు. అలాగే మొసలి తో చేసిన కొన్ని ఎడిటడ్ వీడియోస్ కూడా వైరల్ అవుతున్నాయి. మొత్తానికి ది రాజా సాబ్ ప్రభావంతో సోషల్ మీడియాలో మొసలి వీడియోలు మాత్రం బాగా ట్రెండ్ అవుతున్నాయి.
