Karate Kalyani: వస్త్రధారణపై శివాజీ వ్యాఖ్యలకు కరాటే కల్యాణి మద్దతు పలికారు. సమాజ సంస్కృతి దెబ్బతింటుందని ఆమె ఆందోళన వ్యక్తం చేశారు. అనసూయకు సూటి ప్రశ్నలు వేశారు. శివాజీ మాటల్లో నిజముందని సమర్థించారు. దీని గురించి పూర్తి వివరాలు చూద్దాం.
నటి శివాజీ హీరోయిన్ల వస్త్రధారణపై చేసిన వ్యాఖ్యలు చిత్ర పరిశ్రమలో వివాదాన్ని రేపాయి. రామ్ గోపాల్ వర్మ, మంచు లక్ష్మీ, మనోజ్ వంటి వారు శివాజీని విమర్శించగా, నటి కరాటే కల్యాణి మాత్రం ఆయనకు బలమైన మద్దతు పలికారు. తండ్రిగా, అన్నగా మంచి ఉద్దేశంతోనే శివాజీ మాట్లాడారని ఆమె సమర్థించారు. సినిమా ఫంక్షన్లకు అర్ధనగ్నంగా రావడం వల్ల సమాజ సంస్కృతి దెబ్బతింటుందని, పిల్లలు పాడవుతారని ఆందోళన వ్యక్తం చేశారు. శివాజీ పాలిష్డ్గా చెప్పలేకపోయారేమో కానీ ఆయన పాయింట్లో నిజముందని అన్నారు.
అనసూయ, చిన్మయి స్పందనలపై ఘాటుగా స్పందించిన కల్యాణి ‘నా శరీరం నా ఇష్టం’ అనడం సరికాదని, పబ్లిక్ ఫంక్షన్లలో పద్ధతిగా ఉండాలని చెప్పారు. అనసూయకు ఇద్దరు కుమారులున్నారని, వారు అసభ్య దుస్తులు ధరించిన అమ్మాయిలతో తిరిగితే ఇష్టమేనా అంటూ ప్రశ్నించారు. పాపులారిటీ కోసమే ఈ విషయాన్ని రాద్ధాంతం చేస్తున్నారని, సోషల్ మీడియా పోర్న్ సైట్లుగా మారుతున్నా నోరు మెదపడం లేదని విమర్శించారు. వచ్చే పదేళ్లలో సంస్కృతి ఎలా ఉంటుందో భయంగా ఉందని అన్నారు.
