Telusu Kada: సిద్ధూ జొన్నలగడ్డ ‘తెలుసు కదా’ రొమాంటిక్ ఎంటర్‌టైనర్ రిలీజ్ డేట్ రివీల్!
Telusu Kada: స్టార్ బోయ్ సిద్ధు జొన్నలగడ్డ నటిస్తున్న ‘తెలుసు కదా’ సినిమా విడుదల తేదీ ప్రకటన హల్‌చల్ చేస్తోంది. నీరజ్ కోన దర్శకత్వంలో రాశి ఖన్నా, శ్రీనిధి శెట్టి హీరోయిన్లుగా నటిస్తున్నారు.
సిద్ధు జొన్నలగడ్డ రొమాంటిక్ ఎంటర్‌టైనర్ ‘తెలుసు కదా’ సినిమా కోసం అభిమానులు ఆసక్తిగా ఎదురుచూస్తున్నారు. నీరజ్ కోన దర్శకత్వంలో రూపొందుతున్న ఈ చిత్రంలో రాశి ఖన్నా, శ్రీనిధి శెట్టి హీరోయిన్లుగా కనిపించనున్నారు. అక్టోబర్ 17న థియేటర్లలో సందడి చేయనున్న ఈ మూవీ రిలీజ్ డేట్‌ను సిద్ధు తనదైన ఫన్నీ స్టైల్‌లో వీడియో కాల్ ఫార్మాట్‌లో రివీల్ చేశారు.
ఎస్ థమన్ సంగీతం సమకూరుస్తుండగా, యువరాజ్ సినిమాటోగ్రఫీ, జాతీయ అవార్డు గ్రహీత శ్రీకర్ ప్రసాద్ ఎడిటింగ్ బాధ్యతలు నిర్వహిస్తున్నారు. పీపుల్ మీడియా ఫ్యాక్టరీ బ్యానర్‌పై టి.జి. విశ్వప్రసాద్ నిర్మిస్తున్న ఈ సినిమా స్టైలిష్ లుక్‌తో ఆకట్టుకుంటోంది. సిద్ధూ యాక్టింగ్, నీరజ్ కోన విజన్ కలిస్తే ఈ చిత్రం ఎలాంటి మ్యాజిక్ సృష్టిస్తుందో చూడాలి. ఈ రొమాంటిక్ ఎంటర్‌టైనర్ బాక్సాఫీస్ వద్ద ఎలాంటి సంచలనం సృష్టిస్తుందో ఆసక్తి రేగిస్తోంది.
