Suriya: సూర్య, వెంకీ అట్లూరి కాంబోలో రూపొందుతున్న కొత్త సినిమా హైదరాబాద్‌లో గ్రాండ్‌గా లాంచ్ అయింది. నాగవంశీ నిర్మిస్తున్న ఈ చిత్రంలో మమితా బైజు హీరోయిన్‌గా నటిస్తుంది.
వెంకీ అట్లూరి దర్శకత్వంలో సూర్య హీరోగా నటిస్తున్న కొత్త చిత్రం హైదరాబాద్‌లో అట్టహాసంగా ప్రారంభమైంది. ‘సార్’, ‘లక్కీ భాస్కర్’ వంటి విజయవంతమైన చిత్రాలతో అలరించిన వెంకీ, ఇప్పుడు సూర్యతో మరో సంచలన కథను తెరకెక్కిస్తున్నారు. నాగవంశీ నిర్మాణంలో రూపొందుతున్న ఈ మూవీలో ‘ప్రేమలు’ ఫేమ్ మమితా బైజు హీరోయిన్‌గా నటిస్తుంది.
పూజా కార్యక్రమాల్లో దర్శకుడు త్రివిక్రమ్, సంగీత దర్శకుడు జీవీ ప్రకాష్ పాల్గొన్నారు. ‘రెట్రో’ చిత్రంతో నష్టపోయిన నాగవంశీ, ఈ సినిమాతో ఆ నష్టాన్ని కవర్ చేయాలని భావిస్తున్నారు. మమితా బైజు, విజయ్‌తో ‘జన నాయగన్’, ప్రదీప్ రంగనాథన్‌తో ‘డ్యూడ్’ చిత్రాలతో బిజీగా ఉంది. తెలుగులోనూ ఆమెకు క్రేజీ ఆఫర్లు వస్తున్నాయి. చాలా కాలం తర్వాత తెలుగు ప్రేక్షకులను అలరించేందుకు సూర్య సిద్ధమవుతున్నారు. ఈ చిత్రం ఎలాంటి సంచలనం సృష్టిస్తుందో చూడాలి.
