Coolie: సూపర్ స్టార్ రజినీకాంత్ ‘కూలీ’ సినిమా కోసం అభిమానులు ఎంత ఆతృతగా ఎదురుచూస్తున్నారో తెలిసిందే. లోకేశ్ కనగరాజ్ దర్శకత్వంలో రూపొందుతున్న ఈ మాస్ యాక్షన్ మూవీ నుంచి మరో బిగ్ అప్డేట్ వచ్చేసింది.
రజినీకాంత్ నటిస్తున్న ‘కూలీ’ సినిమా హైప్ రోజురోజుకూ పెరుగుతోంది. లోకేశ్ కనగరాజ్ డైరెక్షన్‌లో రూపొందుతున్న ఈ చిత్రం పక్కా మాస్ ఎంటర్‌టైనర్‌గా రెడీ అవుతోంది. ఇప్పటికే విడుదలైన టీజర్, పోస్టర్స్ సినిమాపై అంచనాలను ఆకాశానికి తాకేలా చేశాయి. తాజాగా, ‘చికిటు’ అనే సాంగ్ మ్యూజిక్ వీడియోను జూన్ 25 సాయంత్రం 6 గంటలకు రిలీజ్ చేస్తున్నట్లు మేకర్స్ సోషల్ మీడియాలో ఓ వీడియోతో ప్రకటించారు.
అనిరుధ్ రవిచందర్ సంగీతంతో ఈ పాట యూత్‌ను ఊపేసేలా ఉంటుందని టాక్. సినిమాలో నాగార్జున, ఉపేంద్ర, శ్రుతి హాసన్, సత్యరాజ్ కీలక పాత్రల్లో కనిపించనున్నారు. ఆగస్టు 14న గ్రాండ్‌గా రిలీజ్ కానున్న ఈ మూవీ కోసం ఫ్యాన్స్ రెడీగా ఉన్నారు!
