Sai Dharam Tej: మెగా ఫ్యామిలీలో మరో హీరో సాయి ధరమ్ తేజ్ త్వరలో పెళ్లి చేసుకోనున్నారు. తిరుమల దర్శనం అనంతరం మీడియాతో మాట్లాడిన ఆయన వచ్చే ఏడాది వివాహం జరుగుతుందని స్పష్టం చేశారు.
మెగా ఫ్యామిలీలో మరో గుడ్ న్యూస్ వినిపిస్తోంది. హీరో సాయి ధరమ్ తేజ్ త్వరలో పెళ్లి పీటలు ఎక్కబోతున్నారు. తాజాగా తిరుమల శ్రీవారిని దర్శించుకున్న ఆయన మీడియాతో మాట్లాడారు. కొన్ని రోజులుగా తన పెళ్లిపై వస్తున్న రూమర్స్కు క్లారిటీ ఇచ్చారు. మంచి చిత్రాలు, మంచి జీవితాన్ని ప్రసాదించిన భగవంతుడికి కృతజ్ఞతలు చెప్పుకోవడానికి తిరుమల వచ్చానని తెలిపారు. వచ్చే ఏడాది తాను నటించిన ‘సంబరాల ఏటిగట్టు’ సినిమా విడుదలవుతుందని, అందరూ ఆదరిస్తారని కోరారు.
రిపోర్టర్ పెళ్లి వార్తలపై ప్రశ్నించగా, వచ్చే ఏడాది తన వివాహం ఉంటుందని స్పష్టం చేశారు. దీంతో మెగా ఫ్యామిలీలో మరో బ్యాచిలర్ సింగిల్ లైఫ్కు గుడ్బై చెప్పనున్నాడు. ఇటీవల అల్లు శిరీష్ కూడా హైదరాబాద్కు చెందిన వ్యాపారవేత్త కూతురు నయనికను పెళ్లి చేసుకోబోతున్నట్లు ప్రకటించాడు. అక్టోబర్ 30న కుటుంబ సభ్యులు, సన్నిహితుల మధ్య నిశ్చితార్థం జరిగింది. మెగా అభిమానులకు ఈ వార్త ఆనందాన్ని కలిగించింది.
