అంతర్జాతీయం
Donald Trump: భారత్, పాక్ దాడులను ఆపేయాలి.. విభేదాలు పరిష్కరించుకోవడానికి సహకరిస్తా
Donald Trump: భారతదేశం-పాకిస్తాన్ మధ్య పెరుగుతున్న ఉద్రిక్తతల నేపథ్యంలో అమెరికా అధ్యక్షుడు డొనాల్డ్ ట్రంప్ స్పందించారు. ఇరు దేశాలకు తాను ఏ విధంగానైనా సహాయం చేయగలిగితే తప్పకుండా సహాయం చేస్తానని అన్నారు. రెండు దేశాల మధ్య పెరుగుతున్న సంఘర్షణను ఆపాలని కోరుకుంటున్నానని అన్నారు. భారతదేశం-పాకిస్తాన్ మధ్య యుద్ధం గురించి అడిగిన ప్రశ్నకు సమాధానంగా ట్రంప్ అది భయంకరమైనదని అన్నారు. రెండు దేశాలతో కలిసి పనిచేయాలనుకుంటున్నానని ట్రంప్ స్పష్టం చేశారు.
తనకు భారతదేశం, పాకిస్తాన్ రెండూ బాగా తెలుసని, వారు ఉద్రిక్తతకు ముగింపు పలకాలని కోరుకుంటున్నానని డొనాల్డ్ ట్రంప్ అన్నారు. ఒకరిపై ఒకరు పోటీ పడుతున్నారు. ఈ ఉద్రిక్తతలు ఆగిపోవాలని కోరుకుంటున్నానని ఆయన అన్నారు. రెండు దేశాలకు ఏ విధంగానైనా సహాయం చేయగలిగితే, తాను ఖచ్చితంగా చేస్తానని ట్రంప్ తెలిపారు.
