The 100: మొగలిరేకులు ఫేమ్ ఆర్ కె సాగర్ నటించిన ‘ది 100’ సినిమా తాజాగా థియేటర్లలో విడుదలైంది. రాఘవ్ ఓంకార్ శశిధర్ దర్శకత్వంలో తెరకెక్కిన ఈ క్రైమ్ యాక్షన్ డ్రామా ఆకట్టుకుంటుందా? పోలీస్ ఆఫీసర్ పాత్రలో సాగర్ ఎలా మెప్పించాడు? తెలుసుకుందాం.
‘ది 100’ సినిమాలో ఆర్ కె సాగర్ పోలీస్ ఆఫీసర్‌గా చక్కని నటన కనబరిచాడు. యాక్షన్, ఇన్వెస్టిగేషన్ సన్నివేశాల్లో అతను సహజంగా ఒదిగిపోయాడు. మిషా నారంగ్, విష్ణు ప్రియ, ధన్య బాలకృష్ణ తమ పాత్రలతో ఆకట్టుకున్నారు. కథలో ఆసక్తికరమైన అంశాలు, రెండో భాగంలో వచ్చే ట్విస్టులు కథను ముందుకు నడిపాయి.
అయితే, నెమ్మదిగా సాగే స్క్రీన్ ప్లే, ఉత్కంఠ లేని కొన్ని సన్నివేశాలు సినిమాకు ఆటంకంగా నిలిచాయి. రొమాంటిక్ సాంగ్ కథను నీరుగార్చింది. ఎమోషనల్ సన్నివేశాలు ఆకట్టుకోలేదు. దర్శకుడు రాఘవ్ ఓంకార్ శశిధర్ మంచి కాన్సెప్ట్‌ను ఎంచుకున్నా, దాన్ని సమర్థవంతంగా అమలు చేయలేకపోయాడు. హర్షవర్ధన్ రామేశ్వర్ బీజీఎం, శ్యామ్ కె నాయుడు సినిమాటోగ్రఫీ ఆకట్టుకున్నాయి. మొత్తంగా, కాప్ డ్రామా ఇష్టపడేవారు ఈ చిత్రాన్ని చూడవచ్చు.
