Prabhas: ప్రభాస్ నటిస్తున్న ‘ఫౌజీ’ సినిమా సెట్స్‌పై సందడి మొదలైంది. హను రాఘవపూడి దర్శకత్వంలో తెరకెక్కుతున్న ఈ చిత్రంలో ప్రభాస్ కొత్త లుక్ అభిమానులను ఆకట్టుకుంటోంది. ఇమాన్వి హీరోయిన్‌గా, అనుపమ్ ఖేర్ కీలక పాత్రలో నటిస్తున్నారు.
ప్రభాస్ అభిమానులకు శుభవార్త! ‘సీతారామం’ ఫేమ్ హను రాఘవపూడి దర్శకత్వంలో ‘ఫౌజీ’ సినిమా షూటింగ్ శరవేగంగా సాగుతోంది. ఇటీవల ప్రభాస్ సెట్స్‌లో జాయిన్ కాగా, ఆయన ఫార్మల్ లుక్‌లో కనిపించిన ఫొటో నెట్టింట వైరల్‌గా మారింది. క్లాసిక్ షర్ట్, ప్యాంట్‌లో డాషింగ్‌గా కనిపించిన ప్రభాస్‌పై అభిమానులు ప్రశంసల వర్షం కురిపిస్తున్నారు. ఈ చిత్రంలో ఇమాన్వి హీరోయిన్‌గా, బాలీవుడ్ స్టార్ అనుపమ్ ఖేర్ ముఖ్యమైన పాత్రలో కనిపించనున్నారు.
విశాల్ చంద్రశేఖర్ సంగీతం సినిమాకి ప్రత్యేక ఆకర్షణగా నిలుస్తుంది. ‘సీతారామం’ విజయంతో అంచనాలు పెంచిన హను, ఈసారి కూడా ప్రేక్షకులను మెప్పించేందుకు సిద్ధమవుతున్నారు. త్వరలోనే సినిమాకి సంబంధించిన మరిన్ని వివరాలు వెల్లడికానున్నాయి. అభిమానులు ఉత్కంఠతో ఎదురుచూస్తున్నారు!
