Hari Hara Veera Mallu: పవర్ స్టార్ పవన్ కళ్యాణ్ నటిస్తున్న హిస్టారికల్ ఎపిక్ ‘హరిహర వీరమల్లు’ షూటింగ్ ఎట్టకేలకు పూర్తయింది. రాజకీయాల్లో బిజీగా ఉన్న పవన్ షెడ్యూల్‌తో ఈ సినిమా షూటింగ్ ఆలస్యమైంది. ఇప్పుడు చివరి షెడ్యూల్ కంప్లీట్ కావడంతో అభిమానులు సంబరాలు చేసుకుంటున్నారు.
పవన్ కళ్యాణ్ నటిస్తున్న ‘హరిహర వీరమల్లు: పార్ట్ 1 – స్వోర్డ్ వర్సెస్ స్పిరిట్’ చిత్ర షూటింగ్ పూర్తయింది. దర్శకుడు జ్యోతి కృష్ణ రూపొందిస్తున్న ఈ పీరియడ్ యాక్షన్ డ్రామా 17వ శతాబ్దపు మొగల్ సామ్రాజ్య నేపథ్యంలో సాగుతుంది. పవన్ రాజకీయ బాధ్యతల కారణంగా షూటింగ్ వాయిదా పడుతూ వచ్చింది. ఇటీవల రెండు రోజుల షెడ్యూల్‌ను పవన్ పూర్తి చేశారు.
ఇక పోస్ట్ ప్రొడక్షన్ పనులు శరవేగంగా సాగుతున్నాయి. నిధి అగర్వాల్ హీరోయిన్‌గా, బాబీ డియోల్ విలన్‌గా నటిస్తున్న ఈ చిత్రానికి ఎం.ఎం. కీరవాణి సంగీతం అందించారు. ఏ.ఎం. రత్నం నిర్మిస్తున్న ఈ సినిమాను మే 30 లేదా జూన్ రెండో వారంలో రిలీజ్ చేసేందుకు మేకర్స్ సన్నాహాలు చేస్తున్నారు. పవన్ అభిమానులు ఈ విజువల్ ఫీస్ట్ కోసం ఆసక్తిగా ఎదురుచూస్తున్నారు.
