SSMB29: సూపర్‌స్టార్ మహేష్ బాబు, దర్శకధీరుడు ఎస్‌ఎస్ రాజమౌళి కాంబోలో రూపొందుతున్న ఎస్‌ఎస్‌ఎంబీ 29 సినిమా హైప్‌ను రెట్టింపు చేస్తోంది. ఈ అడ్వెంచర్ చిత్రం షూటింగ్ శరవేగంగా సాగుతోంది. తాజా అప్‌డేట్‌తో అభిమానులు ఉర్రూతలూగుతున్నారు.
ఎస్‌ఎస్‌ఎంబీ 29 చిత్రం సినీ ప్రియుల్లో ఉత్కంఠను రేకెత్తిస్తోంది. మహేష్ బాబు సరికొత్త అవతారంలో మెరవనున్న ఈ చిత్రాన్ని ఎస్‌ఎస్ రాజమౌళి తెరకెక్కిస్తున్నారు. షూటింగ్ ఇప్పటికే మొదలైంది, కానీ మేకర్స్ నుంచి అధికారిక అప్డేట్ రాలేదు. తాజాగా, ఈ చిత్ర డిజిటల్ రైట్స్‌ను ప్రముఖ ఓటీటీ సంస్థ నెట్‌ఫ్లిక్స్ భారీ ధరకు సొంతం చేసుకున్నట్లు సమాచారం.
అయితే, ఈ విషయంపై అధికారిక ధ్రువీకరణ రావాల్సి ఉంది. మహేష్ బాబు పాత్ర అడ్వెంచర్‌తో కూడిన హనుమాన్ పాత్రలా ఉంటుందని టాక్. ప్రియాంక చోప్రా, పృథ్వీరాజ్ సుకుమారన్ కీలక పాత్రల్లో కనిపించనున్నారు. ఈ భారీ బడ్జెట్ చిత్రం 2027లో విడుదల కానుందని అంచనా.
