Teen Maar: పవర్ స్టార్ పవన్ కళ్యాణ్ రాజకీయాలతో ఫుల్ బిజీ అయినా అభిమానుల మనసులో రారాజుగా దూసుకుపోతున్నాడు. తెలుగు సినిమా ఇండస్ట్రీలో ఆయన ఫ్యాన్ బేస్ అసాధారణం. అలాంటి క్రేజీ ఫ్యాన్స్‌లో నిర్మాత బండ్ల గణేష్ ఒకరు. పవన్‌తో కలిసి ఆయన ‘గబ్బర్ సింగ్’, ‘తీన్ మార్’ సినిమాలను నిర్మించారు. ‘గబ్బర్ సింగ్’ బాక్సాఫీస్ వద్ద ఊచకోత కోసినా, ‘తీన్ మార్’ మాత్రం అంతగా ఆడలేదు.
ఇప్పుడు బండ్ల గణేష్ సోషల్ మీడియాలో పవన్‌కు థాంక్స్ చెబుతూ ‘తీన్ మార్’ పోస్టర్‌తో ఓ పోస్ట్ వేశారు. ఈ పోస్ట్ ఫ్యాన్స్‌లో సందడి రేపింది! అకారణంగా థాంక్స్, ‘తీన్ మార్’ పోస్టర్ షేర్ చేయడంతో అందరూ ఆశ్చర్యంలో మునిగారు. గత కొంతకాలంగా ‘తీన్ మార్’ రీ-రిలీజ్ గురించి టాక్ నడుస్తోంది.
బండ్ల గణేష్ ఈ సినిమాను మళ్లీ థియేటర్స్‌లోకి తీసుకొస్తున్నారా అనే ఊహాగానాలు షురూ అయ్యాయి. అధికారిక ప్రకటన రాకపోయినా, ఈ పోస్ట్ ఫ్యాన్స్‌లో జోష్ నింపింది. త్వరలోనే ఈ సస్పెన్స్ వీడి, అసలు విషయం తెలియాల్సి ఉంది.
